ಮಂಗಳೂರು: 13 ಲಕ್ಷ ಮೌಲ್ಯದ ಚಿನ್ನ ಅಕ್ರಮ ಸಾಗಾಟ - ಓರ್ವ ವಶ

•   Fri, May 28 2021 02:24:19 PM



• ಮಂಗಳೂರು, ಮೇ.28 (DaijiworldNews/PY): ಅಕ್ರಮ ಚಿನ್ನ ಸಾಗಾಟ ಮಾಡುತ್ತಿದ್ದ ಓರ್ವನನ್ನು ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.

  

  ಬಂಧಿತನನ್ನು ಭಟ್ಕಳ ಮೂಲದ ಸಿದ್ದಿಕ್‌ ಮಿಕ್ಡಾಮ್‌‌‌ ಹುಸೈನ್‌ (27) ಎಂದು ಗುರುತಿಸಲಾಗಿದೆ.

  ಏರ್ ಇಂಡಿಯಾ ಫ್ಲೈಟ್ ಐಎಕ್ಸ್ 384 ಮೂಲಕ ದುಬೈನಿಂದ ಮಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದಾನೆ. ಈತ ತನ್ನ ಗುದನಾಳದಲ್ಲಿ ಚಿನ್ನವನ್ನು ಪೇಸ್ಟ್‌‌‌ ರೂಪದಲ್ಲಿ ಬಚ್ಚಿಟ್ಟಿದ್ದು, ತಪಾಸಣೆಯ ಬಳಿಕ ಪತ್ತೆಯಾಗಿದೆ.

  ಈತನಿಂದ ಸುಮಾರು 13,17,860 ಮೌಲ್ಯದ 262 ಗ್ರಾಂ ಚಿನ್ನವನ್ನು ಕಸ್ಟಮ್ಸ್ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.

  ಐಆರ್‌ಎಸ್‌ನ ಪ್ರವೀಣ್‌ ಕಂಡಿ, ರಾಕೇಶ್‌‌ ಕುಮಾರ್‌‌, ಅಧೀಕ್ಷಕರಾದ ಸತೀಶ್‌ ಕುಮಾರ್‌‌, ಸಂದೀಪ್‌‌‌ ಹಾಗೂ ಪೊಲೀಸರು ತಂಡದ ನೇತೃತ್ವ ವಹಿಸಿದ್ದರು.