ಮಂಗಳೂರು, ಮೇ25 (DaijiworldNews/MS): ದೇಶದಲ್ಲೇ ಅಟೋ ಮೊಬೈಲ್ ಕ್ಷೇತ್ರದಲ್ಲಿ ಮೂಂಚೂಣಿಯಲ್ಲಿರುವ ಮಾರುತಿ ಸುಝುಕಿ ಸಂಸ್ಥೆಯ ಅಧಿಕೃತ ವಿತರಕರಾದ ಮಂಗಳೂರಿನ ಭಾರತ್ ಅಟೋ ಕಾರ್ಸ್ ಸಂಸ್ಥೆಗೆ ಮಾರುತಿ ಸುಝುಕಿ ಸಂಸ್ಥೆಯು ಸೇವಾ ಬದ್ಧತೆಗಾಗಿ ನೀಡುವ ಅತ್ಯುನ್ನತ ಪ್ರಶಸ್ತಿ 2020-21 ನೇ ಸಾಲಿನ ‘ರಾಯಲ್ ಪ್ಲಾಟಿನಮ್ ಅವಾರ್ಡ್’ ಅನ್ನು ನೀಡಿ ಗೌರವಿಸಿದೆ.
ಇದರ ವಿಶೇಷತೆ ಎಂದರೆ ಸತತ 9 ನೇ ಬಾರಿ ಭಾರತ್ ಅಟೋ ಕಾರ್ಸ್ ಈ ಪ್ರಶಸ್ತಿಯನ್ನು ಪಡೆದುಕೊಂಡಿದ್ದು, ಇದು ಸಂಸ್ಥೆಯ ಕಾರ್ಯ ವೈಖರಿಯನ್ನು ಸೂಚಿಸುತ್ತದೆ. ಸಂಸ್ಥೆಯು ಇದೀಗ 15 ವರ್ಷಗಳ ಗ್ರಾಹಕ ಸೇವೆಯನ್ನು ಪೂರ್ತಿಗೊಳಿಸಿದೆ. ಮಾರುತಿ ಸುಝುಕಿಯ ನೆಕ್ಸಾ ಪ್ರೀಮಿಯಂ ಕಾರುಗಳ ಅಧಿಕೃತ ವಿತರಕರಾದ ಭಾರತ್ ಅಟೋ ಕಾರ್ಸ್ ಸತತ 5ನೇ ಬಾರಿಗೆ ಆಲಾ ಅವಾರ್ಡ್ ಅನ್ನು ಕೂಡಾ ತನ್ನದಾಗಿಸಿ ಕೊಂಡಿದೆ.
ಪ್ರಸ್ತುತ ಮಂಗಳೂರಿನ ಕುಂಟಿಕಾನದಲ್ಲಿ ಕೇಂದ್ರ ಕಚೇರಿಯನ್ನು ಹೊಂದಿದ್ದು, ಕಾರವಾರ, ಪುತ್ತೂರು, ಬೆಳ್ತಂಗಡಿ, ಮೂಡುಬಿದಿರೆ, ಮೂಲ್ಕಿ, ತೊಕ್ಕೋಟು, ಕುಮಟಾ, ಆಂಕೋಲ, ಭಟ್ಕಳ, ಉಜಿರೆಯಲ್ಲಿ ವಿಸ್ತೃತ ಶೋ ರೂಂಗಳನ್ನು ಹೊಂದಿದ್ದು, ಮಡಂತ್ಯಾರ್, ನೆಲ್ಯಾಡಿ, ಸಿದ್ಧಾಪುರದಲ್ಲಿ ಗ್ರಾಮೀಣ ಔಟ್ಲೆಟ್ಗಳಿವೆ. ಇದರಿಂದಾಗಿ ಸಂಸ್ಥೆಯು ದಕ್ಷಿಣ ಕನ್ನಡ ಮಾತ್ರವಲ್ಲ ಉತ್ತರ ಕನ್ನಡ ಜಿಲ್ಲೆಯಲ್ಲಿಯೂ ಪ್ರಸಿದ್ಧಿಯನ್ನು ಪಡೆದಿದೆ.
ಮಂಗಳೂರಿನ ಕದ್ರಿ ರೋಡ್ನಲ್ಲಿ ನೆಕ್ಸಾ ಪ್ರೀಮಿಯಂ ಕಾರುಗಳ ಶೋ ರೂಂ ಹಾಗೂ ಬಂದರ್ನಲ್ಲಿ ಮಾರುತಿ ಸುಝುಕಿ ಕಮರ್ಷಿಯಲ್ ವಾಹನಗಳ ಶೋರೂಂ ಇದೆ. ಅಲ್ಲದೆ ಪುತ್ತೂರು ಹಾಗೂ ಮಂಗಳೂರಿನಲ್ಲಿ ಮಾರುತಿ ಸುಝುಕಿಯ ಟ್ರೂವ್ಯಾಲ್ಯೂ ವಾಹನಗಳ ಶೋರೂಂ ಮತ್ತು ಮಂಗಳೂರಿನಲ್ಲಿ ಮಾರುತಿ ಡ್ರೈವಿಂಗ್ ಸ್ಕೂಲ್ನ ಔಟ್ಲೆಟ್ ಅನ್ನು ಹೊಂದಿ ಮಾರುತಿ ಸುಝುಕಿಯ ಎಲ್ಲಾ ಸೌಲಭ್ಯಗಳನ್ನು ಹೊಂದಿರುವ ದಕ್ಷಿಣ ಕನ್ನಡದ ಕಾರ್ಪೊರೇಟ್ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ ಎಂದು ಪ್ರಕಟನೆ ತಿಳಿಸಿದೆ.