ಕಾಸರಗೋಡು: ಫುಟ್ಬಾಲ್ ತೆಗೆಯಲು ಹೊಳೆಗಿಳಿದ ಯುವಕ ನೀರು ಪಾಲು

•   Mon, Oct 01 2018 09:31:00 AM



• ಕಾಸರಗೋಡು, ಅ 01 (MSP):ಫುಟ್ಬಾ ಲ್ ತೆಗೆಯಲು ಹೊಳೆಗಿಳಿದ ಯುವಕನೋರ್ವ ಮೃತಪಟ್ಟ ಘಟನೆ ಸೆ. 30 ಭಾನುವಾರ ಸಂಜೆ ಚೇರೂರಿನಲ್ಲಿ ನಡೆದಿದೆ. ಮೃತಪಟ್ಟವನನ್ನು ಚೇರೂರ್ ಎಲಿಂಜದ ಆಶಿಕ್ (20) ಎಂದು ಗುರುತಿಸಲಾಗಿದೆ.

  

  ಸ್ನೇಹಿತರ ಜೊತೆ ಫುಟ್ಬಾ ಲ್ ಆಡುತ್ತಿದ್ದಾಗ ಚೆಂಡು ಹೊಳೆಗೆ ಬಿದ್ದಿದ್ದು, ಇದನ್ನು ಹೆಕ್ಕಲೆಂದು ಆಶಿಕ್ ಹೊಳೆಗಿಳಿದ ಸಂದರ್ಭದಲ್ಲಿ ಘಟನೆ ನಡೆದಿದೆ.
  ನೀರುಪಾಲಾದ ಯುವಕನಿಗಾಗಿ ಸ್ಥಳೀಯರು, ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಶೋಧ ನಡೆಸಿದ್ದು , ರಾತ್ರಿ ಮೃತದೇಹ ಪತ್ತೆಯಾಗಿದೆ. ದ್ವಿತೀಯ ಪಿಯುಸಿ ಪೂರ್ಣಗೊಳಿಸಿದ್ದ ಆಶಿಕ್ , ಕೊಚ್ಚಿಯಲ್ಲಿರುವ ಮಳಿಗೆಯೊಂದರಲ್ಲಿ ಕೆಲಸ ಮಾಡುತ್ತಿದ್ದು, ರಜೆಯ ನಿಮಿತ್ತ ಊರಿಗೆ ಬಂದಿದ್ದನು . ಘಟನೆ ಬಗ್ಗೆ ಕಾಸರಗೋಡು ನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.