ಕಾಸರಗೋಡು, ಮೇ 24 (DaijiworldNews/MS): ಲಾಕ್ಡೌನ್ ನಿರ್ಬಂಧಗಳನ್ನು ಉಲ್ಲಂಘಿಸಿ ಯುವಕರ ಗುಂಪೊಂದು ಮೇ 23 ರ ಭಾನುವಾರ ನಗರದಲ್ಲಿ ಚಿಕನ್ ಟಿಕ್ಕಾ ಪಾರ್ಟಿ ಆಯೋಜಿಸಿದ್ದು ಈ ವೇಳೆ ದಾಳಿ ನಡೆಸಲು ಬಂದ ಪೊಲೀಸರನ್ನು ಕಂಡ ಯುವಕರು ಪರಾರಿಯಾಗಿದ್ದಾರೆ.
ಯುವಕರು ಕೊರೊನಾ ನಿಯಂತ್ರಣಕ್ಕೆ ಹೇರಲಾಗಿರುವ ನಿರ್ಬಂಧಗಳನ್ನು ಉಲ್ಲಂಘಿಸಿ ಟಿಕ್ಕಾ ಪಾರ್ಟಿ ಮಾಡಲು ತಯಾರಿ ಮಾಡುತ್ತಿದ್ದರು. ಇದಕಾಗಿ ಅಲ್ಲಿ ಸಕಲ ವ್ಯವಸ್ಥೆಗಳನ್ನು ಮಾಡಲಾಗಿತ್ತು. ಆದರೆ ಈ ಬಗ್ಗೆ ಮಾಹಿತಿ ಪಡೆದ ಪೊಲೀಸರು, ಪರೀಕ್ಷಿಸಲೆಂದು ಸ್ಥಳಕ್ಕೆ ತೆರಳಿದ್ದಾರೆ. ಈ ವೇಳೆ ಸಮವಸ್ತ್ರದಲ್ಲಿರುವ ಪೊಲೀಸರನ್ನು ಕಂಡು ಯುವಕರ ಗುಂಪು ಎದ್ನೋ, ಬಿದ್ನೋ ಎಂದು ಓಟಕಿತ್ತಿದ್ದಾರೆ.
ಚಿಕನ್ ಟಿಕ್ಕಾ, ಮೊಬೈಲ್ , ಮೋಟಾರುಬೈಕ್ ಹಾಗೂ ಇತರ ವಸ್ತುಗಳನ್ನು ಬಿಟ್ಟುಯುವಕರು ಪರಾರಿಯಾಗಿದ್ದಾರೆ . ದಾಳಿ ನಡೆಸಿದ
ಪೊಲೀಸರು ಬಿಸಿಬಿಸಿಯಾಗಿ ತಯಾರಿಸಿದ ಚಿಕನ್ ಟಿಕ್ಕಾಗಳನ್ನು ಸವಿದು ದ್ವಿಚಕ್ರ ವಾಹನವನ್ನು ವಶಕ್ಕೆ ಪಡೆದು ವ್ಯಾನ್ನಲ್ಲಿ ತುಂಬಿಸಿ ಪೊಲೀಸ್ ಠಾಣೆಗೆ ಕೊಂಡೊಯ್ದಿದ್ದಾರೆ.