ಮಂಗಳೂರು: ಕೊಂಕಣಿ ವಾರಪತ್ರಿಕೆ ‘ರಕ್ಣೊ’ ಮಾಜಿ ಸಂಪಾದಕ ಫಾ. ವಿನ್ಸೆಂಟ್ ವಿಕ್ಟರ್ ನಿಧನ

•   Thu, May 20 2021 07:42:15 PM



• ಮಂಗಳೂರು, ಮೇ 20 (DaijiworldNews/SM): ಕೊಂಕಣಿ ವಾರಪತ್ರಿಕೆಯಾದ ರಾಕ್ಣೊ ವಾರಪತ್ರಿಕೆಯ ಮಾಜಿ ಸಂಪಾದಕ ಫಾ. ವಿನ್ಸೆಂಟ್ ವಿಕ್ಟರ್ ಮಿನೇಜಸ್(75) ಅವರು ಗುರುವಾರದಂದು ನಗರದ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.

  

  ಕೊಂಕಣಿ ಪತ್ರಿಕೆ ರಾಕ್ಣೊ ಇದರ ಸಂಪಾದಕರಾಗಿ(1985-93) ಹಲವಾರು ಉದಯೋನ್ಮುಖ ಬರಹಗಾರರಿಗೆ ಫಾ. ವಿನ್ಸೆಂಟ್ ಅವರು ಅವಕಾಶ ಕಲ್ಪಿಸಿಕೊಟ್ಟಿದ್ದರು. ವಾಕಿಂಗ್ ಬೈಬಲ್ ಎಂಬ ಹೆಸರನ್ನು ಪಡೆದ ಅವರು ಬೈಬಲ್ ಅಧ್ಯಯನದ ಬಗ್ಗೆ ಹಲವಾರು ಪುಸ್ತಕಗಳನ್ನು, ಸಾಹಿತ್ಯವನ್ನು ರಚಿಸಿದ್ದಾರೆ.

  ವೆಲೆನ್ಶಿಯಾದಲ್ಲಿ 1945ರಲ್ಲಿ ಜನಿಸಿದ ಅವರು, 1974ರಲ್ಲಿ ಮಂಗಳೂರು ಧರ್ಮಪ್ರಾಂತ್ಯದ ಧರ್ಮಗುರುವಾಗಿ ದೀಕ್ಷೆ ಪಡೆದರು.ಕಿರೆಂ, ಬಿಜಯ್, ನಾರಂಪಾಡಿ, ಪೆರ್ನಾಲ್, ಮಿಯಾರ್, ಕಾಸ್ಸಿಯಾ, ದೇರೆಬೈಲ್, ಪಾಲ್ದಾನೆ ಚರ್ಚುಗಳಲ್ಲಿ ಅವರು ಸೇವೆ ಸಲ್ಲಿಸಿದ್ದರು.