ಮಹಿಳಾ ಸ್ಕೈ ಡೈವರ್ ನಿಂದ ಮೋದಿ ಹುಟ್ಟುಹಬ್ಬಕ್ಕೆ 13000 ಸಾವಿರ ಅಡಿ ಎತ್ತರದಿಂದ ಶುಭಾಶಯ

•   Tue, Sep 18 2018 04:50:49 PM



• ನವದೆಹಲಿ,ಸೆ 18 (MSP): ಪ್ರಧಾನಿ ನರೇಂದ್ರ ಮೋದಿ ಹುಟ್ಟುಹಬ್ಬವನ್ನು ಅವರ ಅಭಿಮಾನಿಗಳು, ಜಗತ್ತಿನಾದ್ಯಂತ ಸೆಲೆಬ್ರೇಟ್ ಮಾಡ್ತಾ ಇದ್ರೆ, ಮಹಿಳೆಯೊಬ್ಬರು ಇದೆಲ್ಲಕ್ಕಿಂತಲೂ ವಿಭಿನ್ನವಾಗಿ ಪ್ರಧಾನಿಗೆ ಶುಭ ಹಾರೈಸಿದ್ದಾರೆ. ಇದೀಗ ಅವರ ವಿಭಿನ್ನ ಹಾರೈಕೆಯ ವಿಡಿಯೋ ವೈರಲ್ ಆಗಿದೆ.

  

  ಸೆ. 17 ರಂದು ನರೇಂದ್ರ ಮೋದಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದು, ಸೋಮವಾರ ಅಮೆರಿಕಾದ ಷಿಕಾಗೊದಲ್ಲಿ ಸುಮಾರು 13,000 ಅಡಿ ಎತ್ತರದಲ್ಲಿ ಹಾರಾಡುತ್ತಿದ್ದ ವಿಮಾನದಿಂದ ಸ್ಕೈ ಡೈವ್​ ಮಾಡಿದ ಶೀತಲ್​ ಮಹಾಜನ್​ (35) ಗಗನದಲ್ಲಿ ತೇಲಾಡುತ್ತಲೆ ಮೋದಿಯವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ಇದೆಲ್ಲವನ್ನು ಸೆಲ್ಫಿ ವಿಡಿಯೋ ಮಾಡಿದ್ದ ಅವರು ಬಳಿಕ ತನ್ನ ಫೇಸ್ ಬುಕ್ ಖಾತೆಯಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಈ ವಿಡೀಯೋ ಇದೀಗ ವೈರಲ್ ಆಗಿದೆ.

  ಪ್ರಧಾನಿ ಮೋದಿ ಅಭಿಮಾನಿಯಾದ ನಾನು ಸುಮಾರು ನಾಲ್ಕು ವರ್ಷದಿಂದ ಮೋದಿಯವರನ್ನು ಭೇಟಿಯಾಗಲು ಪ್ರಯತ್ನಿಸುತ್ತಿದ್ದೇನೆ. ಆದರೆ ಫಲಿತಾಂಶ ಶೂನ್ಯ. ನನ್ನ ಪತ್ರಕ್ಕೆ ಅವರ ಕಚೇರಿಯಿಂದ ಯಾವುದೇ ಪ್ರತಿಕ್ರಿಯೆ ಸಿಕ್ಕಿಲ್ಲ. ಆದರೆ ಸ್ಕೈ ಡೈವ್​ ಮಾಡಿದ ಬಳಿಕ ನನಗೆ ಪ್ರಧಾನಿ ಭೇಟಿಗೆ ಅವಕಾಶ ಸಿಗಬಹುದು ಎಂಬ ಅಶಾವಾದ ಇದೆ ಎಂದು ಮಹಾಜನ್​ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಅಂದಹಾಗೆ ಶೀತಲ್​ ಮಹಾಜನ್ ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತರಾಗಿದ್ದಾರೆ. ಈ ಹಿಂದೆ ಥಾಯ್ಲೆಂಡ್‌ನ ಪಟ್ಟಾಯದಲ್ಲಿರುವ ಥಾಯ್ ಸ್ಕೈಡೈವಿಂಗ್ ಕೇಂದ್ರದಲ್ಲಿ ಸಾಂಪ್ರದಾಯಿಕ 9 ಗಜದ ನೌವಾರಿ ಸೀರೆ ಉಟ್ಟುಕೊಂಡು 13 ಸಾವಿರ ಅಡಿ ಎತ್ತರದಿಂದ ಸ್ಕೈ ಡೈವಿಂಗ್ ಮಾಡಿ ದಾಖಲೆ ನಿರ್ಮಿಸಿದ್ದರು.