ಸಸಿಹಿತ್ಲು: ಅಪರಿಚಿತ ವ್ಯಕ್ತಿ ಸೇತುವೆಯಿಂದ ಹಾರಿ ಆತ್ಮಹತ್ಯೆಗೆ ಯತ್ನ- ಅಗ್ನಿಶಾಮಕದಳದಿಂದ ತೀವ್ರ ಶೋಧ

•   Thu, Oct 05 2017 12:20:20 PM



• ಸುರತ್ಕಲ್, ಅ 5 : ಅಪರಿಚಿತ ವ್ಯಕ್ತಿಯೊಬ್ಬ ಸೇತುವೆಯಿಂದ ಹಾರಿ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಗುರುವಾರ ಬೆಳಗ್ಗೆ, ಹಳೆಯಂಗಡಿಯ ಕದಿಕೆಯಿಂದ ಸಸಿಹಿತ್ಲನ್ನು ಸಂಪರ್ಕಿಸುವ ಸೇತುವೆಯಲ್ಲಿ ನಡೆದಿದೆ. ಆತ್ಮಹತ್ಯೆಗೆ ಯತ್ನಿಸಿದ ವ್ಯಕ್ತಿಯ ಗುರುತು ಪತ್ತೆಯಾಗಿಲ್ಲ. ಸೇತುವೆಯಿಂದ ವ್ಯಕ್ತಿಯೊರ್ವ ಹಾರಿದ್ದನ್ನು ಕಂಡ ಯುವತಿಯೊರ್ವಳು ತಕ್ಷಣ ಸ್ಥಳೀಯರಿಗೆ ಮಾಹಿತಿ ನೀಡಿದ್ದಾಳೆ. ಸುಮಾರು ೯.೩೦ಕ್ಕೆ ಈ ಘಟನೆ ನಡೆದಿದ್ದು, ಸ್ಥಳೀಯರು ನೀಡಿದ ಮಾಹಿತಿಯಂತೆ ತಕ್ಷಣ , ಅಗ್ನಿಶಾಮಕ ದಳದೊಂದಿಗೆ ಬಂದ ಮುಲ್ಕಿ ಠಾಣಾ ಪೊಲೀಸರು ನಂದಿನಿ ನದಿಗೆ ಹಾರಿದ ಅಪರಿಚಿತ ವ್ಯಕ್ತಿಗಾಗಿ ಶೋಧ ಕಾರ್ಯ ಮುಂದುವರಿಸಿದ್ದಾರೆ.