ದುಬೈ: ಯುಎಇಯಲ್ಲಿ ಖಾಸಗಿ ವಲಯದ ಶಿಕ್ಷಣದ ಪ್ರವರ್ತಕಿ ಮರಿಯಮ್ಮ ವರ್ಕಿ ನಿಧನ

•   Wed, Mar 31 2021 10:30:13 PM



• ದುಬೈ, ಮಾ. 31 (DaijiworldNews/SM): ಯುಎಇಯಲ್ಲಿ ಖಾಸಗಿ ವಲಯದ ಶಿಕ್ಷಣದ ಪ್ರವರ್ತಕರಾಗಿರುವ ಮರಿಯಮ್ಮ ವರ್ಕಿ ಅವರು, ಮಾರ್ಚ್ 31ರ ಬುಧವಾರ ನಿಧನರಾದರು.

  

  89 ವರ್ಷದ ಮರಿಯಮ್ಮ ಹಲವಾರು ವರ್ಷಗಳಿಂದ ಅನಾರೋಗ್ಯದ ಕಾರಣದಿಂದ ಹಾಸಿಗೆ ಹಿಡಿದಿದ್ದರು. ಅಮ್ಮಾಚಿ ಎಂದು ಪ್ರೀತಿಯಿಂದ ಕರೆಯಲ್ಪಡುವ ಅವರು ದುಬೈನ ಶಿಕ್ಷಣ ವ್ಯವಸ್ಥೆಯಲ್ಲಿ ಬದಲಾವಣೆಗಳನ್ನು ತಂದಿದ್ದರು. ಅವರ ವಿದ್ಯಾರ್ಥಿಗಳಲ್ಲಿ ಹಲವಾರು ಮಂದಿ ದುಬೈನ ರಾಜಮನೆತನದ ಸದಸ್ಯರು ಎಂದು ಹೇಳಲಾಗಿದೆ.

  ಮಾಜಿ ಶಿಕ್ಷಕ ಮರಿಯಮ್ಮ 1959 ರಲ್ಲಿ ತನ್ನ ಪತಿ ಕೆ.ಎಸ್. ವರ್ಕಿಯೊಂದಿಗೆ ದುಬೈಗೆ ತೆರಳಿದ್ದರು. ಅವರು ತಮ್ಮ ಪತಿ ಕೆ.ಎಸ್. ವರ್ಕಿ ಅವರೊಂದಿಗೆ 1968 ರಲ್ಲಿ ದುಬೈನ ಮೊದಲ ಖಾಸಗಿ ಶಾಲೆಗಳಲ್ಲಿ ಒಂದಾದ ಅವರ್ ಓನ್ ಇಂಗ್ಲಿಷ್ ಹೈಸ್ಕೂಲ್ ಅನ್ನು ಸ್ಥಾಪಿಸಿದ್ದರು.