ಮಂಗಳೂರು: ಅವಿಭಜಿತ ಜಿಲ್ಲೆಯ ಜಿ.ಪಂ, ತಾ.ಪಂ ಸದಸ್ಯರ ಸಂಖ್ಯೆ ನಿಗದಿಪಡಿಸಿ ರಾಜ್ಯ ಚುನಾವಣಾ ಆಯೋಗದಿಂದ ಅಧಿಸೂಚನೆ

•   Thu, Mar 25 2021 05:12:24 PM



• ಮಂಗಳೂರು, ಮಾ.25 (DaijiworldNews/PY): ದ.ಕ ಹಾಗೂ ಉಡುಪಿ ಜಿಲ್ಲೆಗಳ ವ್ಯಾಪ್ತಿಯಲ್ಲಿನ ಜಿಲ್ಲಾ ಪಂಚಾಯತ್‌‌ ಹಾಗೂ ತಾಲೂಕು ಪಂಚಾಯತ್‌‌‌ ಸದಸ್ಯರ ಸಂಖ್ಯೆ ನಿಗದಿಗೊಳಿಸಿ ರಾಜ್ಯ ಚುನಾವಣಾ ಆಯೋಗ ಅಧಿಸೂಚನೆ ಹೊರಡಿಸಿದೆ.

  

  ದ.ಕ ಜಿಲ್ಲಾ ಪಂಚಾಯತ್‌‌ನ ಒಟ್ಟು ಸದಸ್ಯರ ಸಂಖ್ಯೆ 42 ಆಗಿದ್ದು, ಮಂಗಳೂರು ತಾಲೂಕು ಪಂಚಾಯತ್‌ನಲ್ಲಿ 12 ಸದಸ್ಯರು ಇರಲಿದ್ದಾರೆ. ಈ ವ್ಯಾಪ್ತಿಯಲ್ಲಿ ನಾಲ್ಕು ಮಂದಿ ಜಿಲ್ಲಾ ಪಂಚಾಯತ್‌ ಸದಸ್ಯರು ಇರಲಿದ್ದಾರೆ. ಮುಲ್ಕಿ ತಾ.ಪಂ ವ್ಯಾಪ್ತಿಯಲ್ಲಿ 11 ಸದಸ್ಯರು ಇರಲಿದ್ದು, ಈ ವ್ಯಾಪ್ತಿಯಲ್ಲಿ ಇಬ್ಬರು ಜಿಲ್ಲಾ ಪಂಚಾಯತ್‌‌‌‌‌‌ ಸದಸ್ಯರು ಇರಲಿದ್ದಾರೆ. ಹತ್ತು ಸದಸ್ಯರು ಉಳ್ಳಾಲ ತಾ.ಪಂ ವ್ಯಾಪ್ತಿಯಲ್ಲಿ ಇರಲಿದ್ದು, ನಾಲ್ಕು ಜಿ.ಪಂ ಸದಸ್ಯರು ಆಯ್ಕೆಯಾಗಲಿದ್ದಾರೆ. ಇನ್ನು ಬಂಟ್ವಾಳ ತಾ.ಪಂ ವ್ಯಾಪ್ತಿಯಲ್ಲಿ 24 ಸದಸ್ಯರು ಇರಲಿದ್ದು, ಆ ವ್ಯಾಪ್ತಿಯಲ್ಲಿ 9 ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. 11 ಮಂದಿ ಸದಸ್ಯರು ಮೂಡುಬಿದಿರೆ ತಾ.ಪಂ.ನಲ್ಲಿದ್ದರೆ, ಮೂರು ಮಂದಿ ಜಿ.ಪಂ ಸದಸ್ಯರು ಆ ವ್ಯಾಪ್ತಿಯಲ್ಲಿ ಇರುತ್ತಾರೆ. ಪುತ್ತೂರು ತಾ.ಪಂ ವ್ಯಾಪ್ತಿಯಲ್ಲಿ 11 ಮಂದಿ ಸದಸ್ಯರು ಇರಲಿದ್ದು, ನಾಲ್ಕು ಮಂದಿ ಜಿ.ಪಂ ಸದಸ್ಯರು ಈ ವ್ಯಾಪ್ತಿಯಲ್ಲಿರಲಿದ್ದಾರೆ. ಸುಳ್ಯ ತಾ.ಪಂ ವ್ಯಾಪ್ತಿಯಲ್ಲಿ 9 ಹಾಗೂ ನಾಲ್ಕು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. 21 ಮಂದಿ ಸದಸ್ಯರು ಬೆಳ್ತಂಗಡಿ ತಾಲೂಕು ಪಂಚಾಯತ್‌ ವ್ಯಾಪ್ತಿಯಲ್ಲಿದ್ದರೆ, ಆ ವ್ಯಾಪ್ತಿಯಲ್ಲಿ ಎಂಟು ಮಂದಿ ಜಿ.ಪಂ ಸದಸ್ಯರು ಆಯ್ಕೆಯಾಗಿದ್ದಾರೆ. ಕಡಬ ತಾ.ಪಂ ವ್ಯಾಪ್ತಿಯಲ್ಲಿ 9 ಮಂದಿ ಸದಸ್ಯರಿದ್ದರೆ, ಜಿ.ಪಂ ವ್ಯಾಪ್ತಿಯಲ್ಲಿ ನಾಲ್ಕು ಮಂದಿ ಸದಸ್ಯರು ಇರಲಿದ್ದಾರೆ.

  ಉಡುಪಿ ಜಿಲ್ಲಾ ಪಂಚಾಯತ್‌ ವ್ಯಾಪ್ತಿಯಲ್ಲಿ ಒಟ್ಟು ಸದಸ್ಯರ ಸಂಖ್ಯೆ 30 ಆಗಿದ್ದಾರೆ. ಉಡುಪಿ ತಾ.ಪಂ ವ್ಯಾಪ್ತಿಯಲ್ಲಿ 11 ಮಂದಿ ತಾ.ಪಂ ಸದಸ್ಯರು ಇರಲಿದ್ದು, ನಾಲ್ಕು ಮಂದಿ ಜಿ.ಪಂ ಸದಸ್ಯರು ಆಯ್ಕೆಯಾಗಲಿದ್ದಾರೆ. ಕಾಪು ತಾ.ಪಂ ವ್ಯಾಪ್ತಿಯಲ್ಲಿ 11 ತಾ.ಪಂ ಸದಸ್ಯರು ಇರಲಿದ್ದು, ನಾಲ್ಕು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. 13 ಮಂದಿ ತಾ.ಪಂ ಸದಸ್ಯರು ಬ್ರಹ್ಮಾವರ ವ್ಯಾಪ್ತಿಯಲ್ಲಿದ್ದರೆ, ಆ ವ್ಯಾಪ್ತಿಯಲ್ಲಿ ಐದು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. ಬೈಂದೂರು ತಾ.ಪಂ ವ್ಯಾಪ್ತಿಯಲ್ಲಿ ಒಂಭತ್ತು ಮಂದಿ ತಾ.ಪಂ ಸದಸ್ಯರು ಇರಲಿದ್ದು, ಮೂರು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. ಇನ್ನು ಕುಂದಾಪುರ ತಾ.ಪಂ ವ್ಯಾಪ್ತಿಯಲ್ಲಿ 19 ಮಂದಿ ಸದಸ್ಯರು ಇರಲಿದ್ದು, ಏಳು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. 13 ಮಂದಿ ತಾ.ಪಂ ಸದಸ್ಯರು ಕಾರ್ಕಳ ತಾ.ಪಂ ವ್ಯಾಪ್ತಿಯಲ್ಲಿದ್ದರೆ, ಐದು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ. ಹೆಬ್ರಿ ತಾ.ಪಂ ವ್ಯಾಪ್ತಿಯಲ್ಲಿ 11 ಮಂದಿ ಸದಸ್ಯರಿದ್ದರೆ, ಎರಡು ಮಂದಿ ಜಿ.ಪಂ ಸದಸ್ಯರು ಇರಲಿದ್ದಾರೆ.