ಕಾಸರಗೋಡು : 'ಪಂಚಸಭಾ' ಮುಖಾಮುಖಿ ಕಾರ್ಯಕ್ರಮ - ಯುಡಿಎಫ್‌-ಎಲ್‌ಡಿಎಫ್‌ ಅಭ್ಯರ್ಥಿಗಳ ಸಂವಾದ

•   Thu, Mar 25 2021 11:08:57 AM



• ಕಾಸರಗೋಡು, ಮಾ.25 (DaijiworldNews/MB) : ಭಾಷಾ ಅಲ್ಪಸಂಖ್ಯಾತರ ಸಮಸ್ಯೆಗಳಿಗೆ ತಾನು ಧ್ವನಿಯಾಗಲಿದ್ದು, ಈ ಚುನಾವಣೆಯಲ್ಲಿ ಯುಡಿಎಫ್‌ ಗೆಲ್ಲುವ ಪೂರ್ಣ ವಿಶ್ವಾಸ ಹೊಂದಿರುವುದಾಗಿ ಮಂಜೇಶ್ವರ ಯುಡಿಎಫ್‌ ಅಭ್ಯರ್ಥಿ ಎ.ಕೆ.ಎಂ ಅಶ್ರಫ್ ಹೇಳಿದರು.

  

  ಕಾಸರಗೋಡು ಪ್ರೆಸ್‌ ಕ್ಲಬ್‌ನಲ್ಲಿ ನಡೆದ 'ಪಂಚಸಭಾ' ಮುಖಾಮುಖಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

  ಮಂಜೇಶ್ವರದವನೇ ಆದ ನನ್ನನ್ನು ಈ ಬಾರಿ ಕಣಕ್ಕಿಳಿಸಲಾಗಿದೆ. ಇಲ್ಲಿಯ ಸಮಸ್ಯೆಗಳ ಬಗ್ಗೆ ನನಗೆ ಅರಿವಿದೆ. ಮತೇತರತ್ವ ಉಳಿಸಿಕೊಂಡು ಬರಬೇಕಿದೆ. ಗಡಿ ಪ್ರದೇಶದ ಸಮಸ್ಯೆಗಳ ಈಡೇರಿಸಲು ಪ್ರಾಮಾಣಿಕ ಪ್ರಯತ್ನ ನಡೆಸುವೆ. ಕ್ಷೇತ್ರ ವ್ಯಾಪ್ತಿಯಲ್ಲಿ ಅತ್ಯುತ್ತಮ ಕ್ರೀಡಾಂಗಣ ನಿರ್ಮಿಸುವ ಯೋಜನೆ ಇದೆ. ಕನ್ನಡ ಶಾಲೆಗಳಿಗೆ ಮಲಯಾಳ ಶಿಕ್ಷಕರ ನೇಮಕದ ಬಗ್ಗೆ ಇರುವ ಗೊಂದಲಗಳಿಗೆ ಪರಿಹಾರ ಕಲ್ಪಿಸಲಾಗುವುದು. ಮಂಜೇಶ್ವರದಲ್ಲಿ ಯುಡಿಎಫ್‌ ಮತ್ತು ಬಿಜೆಪಿ ನಡುವೆ ನೇರ ಸ್ಪರ್ಧೆ ನಡೆಯುತ್ತಿದೆ. ಎಲ್‌ಡಿಎಫ್‌ ಮೂರನೇ ಸ್ಥಾನಕ್ಕೆ ತೃಪ್ತಿ ಪಡೆದುಕೊಳ್ಳಬೇಕಾದೀತು ಎಂದು ಅಶ್ರಫ್ ಹೇಳಿದರು.

  ಮಂಜೇಶ್ವರ ಅತ್ಯುತ್ತಮ ಕ್ಷೇತ್ರವಾಗಿ ಪರಿವರ್ತನೆ - ವಿ . ವಿ ರಮೇಶನ್‌

  ಮಂಜೇಶ್ವರವನ್ನು ಅಭಿವೃದ್ಧಿಗೊಳಿಸುವುದು ಅತ್ಯುತ್ತಮ ಕ್ಷೇತ್ರವನ್ನಾಗಿ ಪರಿವರ್ತಿಸಲಾಗುವುದು ಎಂದು ಎಲ್‌ಡಿಎಫ್‌ ಅಭ್ಯರ್ಥಿ ವಿ. ವಿ ರಮೇಶನ್‌ ಹೇಳಿದರು.

  ಸಿ.ಎಚ್‌ ಕುಞ೦ಬುರವರ ಶಾಸಕ ಅವಧಿಯಲ್ಲಿ ತುಳು ಅಕಾಡಮಿ, ಮಾರಿಟೈ೦ ಇನ್ಸ್ಟಿಟ್ಯೂಟ್‌ನ್ನು ಜಾರಿಗೆ ತರಲಾಗಿತ್ತು. ಮಂಗಲ್ಪಾಡಿ ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ತ್ಯಾಜ್ಯ ಸಮಸ್ಯೆ ಉಂಟಾಗಿದ್ದು, ಯುಡಿಎಫ್‌ ಶಾಸಕರಿಗೆ ಇದನ್ನು ಪರಿಹರಿಸಲು ಸಾಧ್ಯವಾಗಿಲ್ಲ. ಕ್ಷೇತ್ರದ ಕ್ರೀಡಾಳುಗಳಿಗೆ ವಿವಿಧ ಯೋಜನೆಗಳನ್ನು ಜಾರಿಗೆ ತರಲಾಗುವುದು. ತುಳುನಾಡಿನ ಅಭಿವೃದ್ಧಿಗೆ ಆದ್ಯತೆ ನೀಡಲಾಗುವುದು. ಮಂಜೇಶ್ವರದ ಜನತೆ ಈ ಬಾರಿ ಎಲ್‌ಡಿಎಫ್‌ನ್ನು ಗೆಲ್ಲಿಸುವ ಭರವಸೆ ಇದೆ ಎಂದು ಹೇಳಿದರು.