ಮಂಗಳೂರು: ವಿಚಾರಣೆಗೆಂದು ಬಂದಿದ್ದಾತನಿಗೆ ನ್ಯಾಯಾಲಯ ಅವರಣದಲ್ಲೇ ಮೂವರು ಖೈದಿಗಳಿಂದ ಹಲ್ಲೆ

•   Wed, Sep 05 2018 11:28:54 AM



• ಮಂಗಳೂರು, ಸೆ, 5(MSP): ಜಿಲ್ಲಾ ನ್ಯಾಯಾಲಯಕ್ಕೆ ಮಂಗಳವಾರ ವಿಚಾರಣೆಗೆಂದು ಬಂದ ಕೈದಿಗಳು ಹಳೇ ದ್ವೇಷದಿಂದ ನ್ಯಾಯಾಲಯದ ಆವರಣದಲ್ಲಿ ಇನ್ನೋರ್ವ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದ ಘಟನೆ ನಡೆದಿದೆ.ಇಲ್ಯಾಸ್ ಹಲ್ಲೆಗೊಳಗಾದವನು. ನ್ಯಾಯಾಂಗ ಬಂಧನದಲ್ಲಿರುವ ಉಳ್ಳಾಲ ಟಾರ್ಗೆಟ್ ಗ್ರೂಪ್ ನ ಫರಾಜ್ , ನವಾಜ್ ಕೊಲೆ ಪ್ರಕರಣದ ಆರೋಪಿ ಸೂಹೈಲ್ ಮೊದಲಾದವರು ಇಲ್ಯಾಸ್ ಗೆ ಜೀವ ಬೆದರಿಕೆಯೊಡ್ದಿ ಹಲ್ಲೆ ನಡೆಸಿದ್ದಾರೆ. 

  

  
  ಹಲ್ಲೆಗೊಳಗಾದ ಇಲ್ಯಾಸ್ ಪ್ರಕರಣವೊಂದರಲ್ಲಿ 2014 ರಲ್ಲಿ ಜೈಲಿನಲ್ಲಿದ್ದ. ಈ ಸಂದರ್ಭ ಟಾರ್ಗೆಟ್ ಗ್ರೂಪ್ ನವರು ಹಾಗೂ ಇತರರು ಇಲ್ಯಾಸ್ ಮೇಲೆ ಹಲ್ಲೆ ನಡೆಸಿದ್ದರು. ಈ ಸಂಬಂಧ ಇಲ್ಯಾಸ್ ಟಾರ್ಗೆಟ್ ಗ್ರೂಪ್ ವಿರುದ್ದ ಬರ್ಕೆ ಪೊಲೀಸ್ ಠಾಣೆಗೆ ದೂರು ನೀಡಿದ್ದ, ಇದೇ ವಿಚಾರದಲ್ಲಿ ದ್ವೇಷ ಭಾವನೆ ಹೊಂದಿದ್ದ ಟಾರ್ಗೆಟ್ ಗ್ರೂಪ್ ಹಾಗೂ ಇತರ ಆರೋಪಿಗಳು ಸೇರಿಕೊಂಡು ತಾನು ವಿಚಾರಣೆಗೆಂದು ನ್ಯಾಯಾಲಕ್ಕೆ ಆಗಮಿಸಿದ್ದಾಗ ನನ್ನ ಮೇಲೆ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಿ ಇಲ್ಯಾಸ್ ದೂರು ನೀಡಿದ್ದಾರೆ.