ಕೇರಳದ ಪ್ರವಾಹಕ್ಕೂ ಗೋಹತ್ಯೆಗೂ ಎತ್ತಂಣದೆತ್ತ ಸಂಬಂಧ - ಮಾಜಿ ಸಿಎಂ ಸಿದ್ದರಾಮಯ್ಯ

•   Mon, Aug 27 2018 04:15:25 PM



• ಮೈಸೂರು, ಆ 27 (MSP) : ಕೇರಳ ರಾಜ್ಯವನ್ನು ಕಂಗೆಡಿಸಿದ್ದ ಪ್ರವಾಹಕ್ಕೆ ಗೋಹತ್ಯೆಯೇ ಕಾರಣ" ಎಂದು ಬಿಜೆಪಿ ಶಾಸಕ ಬಸನಗೌಡ ಪಾಟೀಲ್ ಯತ್ನಾಳ್ ವಿವಾದಾತ್ಮಕ ಹೇಳಿಕೆಗೆ ಮಾಜಿ ಸಿಎಂ ಸಿದ್ದರಾಮಯ್ಯ ಕಿಡಿಕಾರಿದ್ದಾರೆ. ಗೋ ಹತ್ಯೆಗೂ , ಕೇರಳದಲ್ಲಿ ಉಂಟಾಗಿರುವ ಪ್ರವಾಹಕ್ಕೂ ಎತ್ತಂಣದೆತ್ತ ಸಂಬಂಧ. ಬಿಜೆಪಿ ನಾಯಕರ ಇಂತಹ ಲಜ್ಜೆಗೇಡಿ ಬಾಲಿಶ ಹೇಳಿಕೆಗಳಿಗೆಲ್ಲಾ ನಾವು ಪ್ರತಿಕ್ರಿಯೆ ನೀಡಬೇಕಾ ಎಂದು ಅಕ್ರೋಶ ವ್ಯಕ್ತಪಡಿಸಿದ್ದಾರೆ. 

  

  
  ಮೈಸೂರಿನ ಚಾಮುಂಡಿ ಬೆಟ್ಟದ ತಪ್ಪಲಿನಲ್ಲಿರುವ ಸುತ್ತೂರು ಮಠಕ್ಕೆ ಭೇಟಿ ನೀಡಿ ಶಿವರಾತ್ರಿ ದೇಶಿಕೇಂದ್ರ ಸ್ವಾಮೀಜಿಯ ಅಶೀರ್ವಾದ ಪಡೆದ ಬಳಿಕ ಪತ್ರಕರ್ತರೊಂದಿಗೆ ಮಾತನಾಡಿದ ಅವರು ಕೇರಳದಲ್ಲಿ ಬಹಿರಂಗವಾಗಿ ಗೋವುಗಳನ್ನು ಕಡಿದು ಗೋ ಮಾಂಸ ಸೇವಿಸಿದ್ದರಿಂದ ನೆರೆ ಬಂದಿದೆ ಎನ್ನುವ ಶಾಸಕ ಬಸನಗೌಡ ಪಾಟೀಲ್ ಅವರಿಗೆ ಕೇರಳದಲ್ಲಿ ಗೋ ಮಾಂಸ ಸೇವಿಸುತ್ತಾ ತುಂಬಾ ಹಿಂದಿನಿಂದಲೂ ಸೇವಿಸುತ್ತಾ ಬಂದಿದ್ದಾರೆ ಅನ್ನುವುದು ತಿಳಿದಿಲ್ಲ ಯಾಕೆ? ಗೋ ಹತ್ಯೆಯೇ ಕಾರಣವಾಗಿದ್ದರೆ ಈ ಹಿಂದೆ ಯಾಕೆ ನೆರೆ ಬಂದಿರಲಿಲ್ಲ ಎಂದು ಪ್ರಶ್ನಿಸಿದ್ದಾರೆ.

  ಗೋಹತ್ಯೆ ಮಾಡುವುದರ ಮೂಲಕ ಹಿಂದು ಸಮುದಾಯದ ಭಾವನೆಗೆ ನೋವುಂಟು ಮಾಡಿದ್ದರು. ಮತ್ತೊಂದು ಮತೀಯರ ಭಾವನೆಗೆ ನೋವುಂಟು ಮಾಡವ ಕೆಲಸ ಮಾದಬಾರದು. ಈಗ ಕೇರಳಕ್ಕೆ ಏನಾಗಿದೆ ಎಂದು ನೀವು ನೋಡಿದ್ದೀರಾ. ಅವರು ರಾಜಾರೋಷವಾಗಿಯೇ ಗೋಹತ್ಯೆ ಮಾಡುತ್ತಿದ್ದರು, ಆದರೆ ಒಂದು ವರ್ಷದ ಒಳಗೆ ಅವರು ಎಂಥ ಸಂಕಷ್ಟ ಎದುರಿಸಿದರು ನೋಡಿ" ಎಂದು ವಿಜಯಪುರ ಶಾಸಕ ಯತ್ನಾಳ್ ಈ ಹಿಂದೆ ಹೇಳಿಕೆ ನೀಡಿದ್ದರು.