ಕಾಸರಗೋಡು : ಡಿವೈಡರ್ ಗೆ ಡಿಕ್ಕಿಯಾದ ಕಾರು - ಪಾದಚಾರಿಗಳಿಬ್ಬರು ಗಂಭೀರ - ನಾಲ್ವರಿಗೆ ಗಾಯ

•   Mon, Aug 27 2018 03:29:52 PM



• ಕಾಸರಗೋಡು, ಆ 27 (MSP) : ಡಿವೈಡರ್ ಗೆ ಡಿಕ್ಕಿಯಾದ ಕಾರೊಂದು ಚಾಲಕನ ನಿಯಂತ್ರಣ ಕಳೆದುಕೊಂಡ ಬಳಿಕ ಇಬ್ಬರು ಪಾದಚಾರಿಗಳಿಗೆ ಬಡಿದ ಘಟನೆ ಆಗಸ್ಟ್  27 ರ ಸೋಮವಾರ ಬೆಳಿಗ್ಗೆ ಮಂಜೇಶ್ವರದ ಹೊಸಂಗಡಿ ಪೇಟೆಯಲ್ಲಿ ನಡೆದಿದೆ. ಪಾದಚಾರಿಗಳನ್ನು ಹಾವೇರಿ ಜಿಲ್ಲೆಯ ಸವಣೂರಿನ ಮಲ್ಲೇಶ (32) ಮತ್ತು ಪರಶುರಾಮ ಎಂದು ಗುರುತಿಸಲಾಗಿದ್ದು ಇವರ ಸ್ಥಿತಿ ಗಂಭೀರವಾಗಿದ್ದು, ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ.

   

  ಮಹಾರಾಷ್ಟ್ರದಿಂದ ಕಾಞಂಗಾಡ್ ಭಾಗಕ್ಕೆ ತೆರಳುತ್ತಿದ್ದ ಕಾರು ಹೊಸಂಗಡಿ ಜಂಕ್ಷನ್‌ನಲ್ಲಿ ಡಿವೈಡರ್ ಗೆ ಢಿಕ್ಕಿಯಾಗಿ ನಿಯಂತ್ರಣ ತಪ್ಪಿ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದಿದೆ. ಕಾರು ಚಾಲಕ ಚಲಾಯಿಸುತ್ತಿದ್ದ ಕೋಪಟಿ (56),ಪ್ರಯಾಣಿಕರಾದ ಸಾನುಬಾಯಿ (75), ಸರಸ್ವತಿ (20), ಪೂಜಾ (19) ಗಾಯಗೊಂಡಿದ್ದಾರೆ. ಘಟನೆ ಬಗ್ಗೆ ಮಂಜೇಶ್ವರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.