ಉಳ್ಳಾಲ: ನಗರಸಭೆ ಅಧ್ಯಕ್ಷೆಗೆ ಕೊರೊನಾ - ಸರ್ಕಾರಿ ಆಸ್ಪತ್ರೆಯಲ್ಲಿ ಪಾಸಿಟಿವ್, ಕೆಎಂಸಿಯಲ್ಲಿ ನೆಗೆಟಿವ್

•   Fri, Mar 19 2021 03:14:22 PM



• ಉಳ್ಳಾಲ, ಮಾ.19 (DaijiworldNews/PY): ಉಳ್ಳಾಲ ನಗರಸಭಾ ಅಧ್ಯಕ್ಷೆಯೋರ್ವರ ಕೊರೊನಾ ಪರೀಕ್ಷಾ ವರದಿಯಲ್ಲಿ ಗೊಂದಲ ಉಂಟಾದ ಘಟನೆ ನಡೆದಿದೆ.

  
  ಸಾಂದರ್ಭಿಕ ಚಿತ್ರ

  ಉಳ್ಳಾಲ ನಗರ ಪುರಸಭೆ ಅಧ್ಯಕ್ಷೆ ಚಿತ್ರಕಲಾ ಚಂದ್ರಕಾಂತ್ ಅವರಿಗೆ ಕಳೆದ ವಾರ ಜ್ವರ ಬಂದಿದ್ದು, ಅವರು ಉಳ್ಳಾಲದ ಸರ್ಕಾರಿ ಆಸ್ಪತ್ರೆಯನ್ನು ತಪಾಸಣೆ ನಡೆಸಿದ್ದರು. ಈ ವೇಳೆ ಕೊರೊನಾ ಪರೀಕ್ಷೆ ನಡೆಸಲಾಗಿದ್ದು, ವರದಿಯಲ್ಲಿ ಕೊರೊನಾ ಪಾಸಿಟಿವ್‌ ಆಗಿರುವುದಾಗಿ ತಿಳಿದುಬಂದಿದೆ. ಸರಕಾರಿ ಆಸ್ಪತ್ರೆಯ ವರದಿಯಿಂದ ತೃಪ್ತರಾಗದ ಚಿತ್ರಕಲಾ ಅವರು ಕೆಎಂಸಿಗೆ ತೆರಳಿ ಕೊರೊನಾ ಪರೀಕ್ಷೆ ಮಾಡಿಸಿಕೊಂಡಿದ್ದಾರೆ. ಆಶ್ಚರ್ಯಕರ ಸಂಗತಿ ಎಂದರೆ ಕೆಎಂಸಿಯ ವರದಿಯಲ್ಲಿ ನೆಗೆಟಿವ್‌ ಎಂದು ತೋರಿಸಿದೆ.

  ಉಳ್ಳಾಲ ಸರಕಾರಿ ಆಸ್ಪತ್ರೆಯ ವರದಿಯಲ್ಲಿ ಪಾಸಿಟಿವ್‌‌ ಎಂದು ತೋರಿಸಿದ ಕಾರಣ ಅವರು ಒಂದು ವಾರ ಹೋಂ ಕ್ವಾರಂಟೈನ್‌ಗೆ ಒಳಗಾಗಿದ್ದರು.