ಕಾಸರಗೋಡು: ಮಾಸ್ಕ್ ಧರಿಸದೆ ಅಡ್ಡಾಡುತ್ತಿರುವವರ ಪತ್ತೆಗೆ ವಿಶೇಷ ತಂಡ

•   Fri, Mar 19 2021 08:41:27 AM



• ಕಾಸರಗೋಡು, ಮಾ 19 (DaijiworldNews/MS): ಜಿಲ್ಲೆಯಲ್ಲಿ ಮಾಸ್ಕ್ ಧರಿಸದೇ ಅಡ್ಡಾಡುತ್ತಿರುವವರ ಪತ್ತೆಗೆ ವಿಶೇಷ ತಂಡಗಳು ನಿಗಾ ವಹಿಸಲಿವೆ. ವಿಧಾನಸಭಾ ಚುನಾವಣೆ ಹಿನ್ನಲೆಯಲ್ಲಿ ನೇಮಕಗೊಂಡಿರುವ ವಿಶೇಷ ತಂಡದ ಜೊತೆಗೆ ಪೊಲೀಸರು ಹಾಗೂ ಹಿಂದೆ ರಚಿಸಲಾದ ವಿಶೇಷ ತಂಡವು ಕಾರ್ಯಾಚರಣೆಯಲ್ಲಿರಲಿದೆ.

  
  ಸಾಂದರ್ಭಿಕ ಚಿತ್ರ

  ಜಿಲ್ಲೆಯಲ್ಲಿ ಈ ತನಕ 88, 552 ಮಂದಿ ವಿರುದ್ಧ ಪ್ರಕರಣ ದಾಖಲಿಸಿ ದಂಡ ವಸೂಲು ಮಾಡಲಾಗಿದೆ. ಮಾಸ್ಕ್ ಧರಿಸದವರಿಗೆ 500 ರೂ . ದಂಡ ವಸೂಲು ಮಾಡಲಾಗುತ್ತಿದ್ದು , ದಿನವೊಂದಕ್ಕೆ 200 ರಷ್ಟು ಪ್ರಕರಣಗಳು ದಾಖಲಾಗುತ್ತಿದೆ. ಕೋವಿಡ್ ,ಮಾನದಂಡ ಉಲ್ಲಂಘನೆಗೆ ಸಂಬಂಧ ಪಟ್ಟಂತೆ ಇದುವರೆಗೆ 11796 ಮಂದಿ ವಿರುದ್ಧ ಮೊಕದ್ದಮೆ ಹೂಡಲಾಗಿದೆ. 1359 ವಾಹನಗಳನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ