ಮಾಣಿ: ಪಾದಚಾರಿ ಯುವಕನಿಗೆ ಬಸ್ ಡಿಕ್ಕಿ- ಸ್ಥಳದಲ್ಲೇ ಮೃತ್ಯು

•   Thu, Aug 23 2018 09:41:57 AM



• ಬಂಟ್ವಾಳ, ಆ 23 (MSP): ಪಾದಚಾರಿ ಯುವಕನೋರ್ವನಿಗೆ ಬಸ್ ಡಿಕ್ಕಿ ಹೊಡೆದ ಪರಿಣಾಮ, ಆತ ಸ್ಥಳದಲ್ಲೆ ಮೃತಪಟ್ಟ ಘಟನೆ ಆಗಸ್ಟ್ 22 ರ ಬುಧವಾರ ರಾತ್ರಿ ಮಾಣಿ ಸಮೀಪದ ಕೊಡಾಜೆನಲ್ಲಿ ನಡೆದಿದೆ.

  

  ಮೃತಪಟ್ಟವರನ್ನು ಮಾಣಿಯ ಕೊಡಾಜೆ ನಿವಾಸಿ ನವಾಝ್ (19) ಎಂದು ಗುರುತಿಸಲಾಗಿದೆ. ಬಕ್ರೀದ್ ಹಬ್ಬದ ಸಂಭ್ರಮದಲ್ಲಿದ್ದ ಈತ ಕೊಡಾಜೆಯಲ್ಲಿ ರಸ್ತೆ ಬದಿಯಿಂದ ತನ್ನ ಮನೆಗೆ ಸಾಗುತ್ತಿದ್ದ. ಆದರೆ ದುರದೃಷ್ಟವಶಾತ್ ಅದೇ ರಸ್ತೆಯಲ್ಲಿ ವೇಗವಾಗಿ ಬಂದ ಬಸ್ ನವಾಝ್ ಗೆ ಡಿಕ್ಕಿ ಹೊಡೆದಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ. ಪರಿಣಾಮ ಡಿಕ್ಕಿಯ ರಭಸಕ್ಕೆ ನವಾಝ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
  
  ಮೃತದೇಹವನ್ನು ಬಂಟ್ವಾಳ ಆಸ್ಪತ್ರೆಗೆ ಸಾಗಿಸಲಾಗಿದೆ. ಘಟನಾ ಸ್ಥಳಕ್ಕೆ ವಿಟ್ಲ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು ಮುಂದಿನ ಕ್ರಮ ಕೈಗೊಂಡಿದ್ದಾರೆ.