ಮಂಗಳೂರು: ಭೀಕರ ಬೈಕ್ ಅಪಘಾತದಲ್ಲಿ ಪುತ್ತೂರಿನ ಯುವಕ ದಾರುಣ ಸಾವು

•   Mon, Aug 20 2018 12:57:27 PM



• ಪುತ್ತೂರು, ಆ.20: ನಗರದಲ್ಲಿ ನಡೆದ ಭೀಕರ ಬೈಕ್ ಅಪಘಾತವೊಂದರಲ್ಲಿ ಪುತ್ತೂರಿನ ಯುವಕ ದಾರುಣವಾಗಿ ಸಾವನ್ನಪ್ಪಿರುವ ದುರ್ಘಟನೆ ನಡೆದಿದೆ.

  

  ಮೃತ ಯುವಕನನ್ನು ಪುತ್ತೂರಿನ ಪರ್ಲಡ್ಕ ನೂಜಿಬೈಲು ನಿವಾಸಿ ಗೋಡ್ವಿನ್ ಪಾಯಿಸ್ (24) ಎಂದು ಗುರುತಿಸಲಾಗಿದೆ.

  ಪುತ್ತೂರಿನಿಂದ ಬೈಕ್‌ನಲ್ಲಿ ಮಂಗಳೂರಿಗೆಂದು ಗೋಡ್ವಿನ್ ತೆರಳಿದ್ದರು. ನಗರದ ಆಗ್ನೇಸ್ ಕಾಲೇಜು ಸಮೀಪ ರಾತ್ರಿ ವೇಳೆ ನಿಯಂತ್ರಣ ತಪ್ಪಿ ಬ್ಯಾರಿಕೇಡರ್‌ಗೆ ಢಿಕ್ಕಿ ಹೊಡೆದಿದ್ದಾರೆ. ಪರಿಣಾಮ, ಗಂಭೀರ ಗಾಯಗೊಂಡು ಗೋಡ್ವಿನ್ ಪಾಯಿಸ್ ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.