ಮಂಗಳೂರು ಅ 2 : ಇಲ್ಲಿನ ಕಾಪಿಕಾಡ್ ಫಸ್ಟ್ ಕ್ರಾಸ್ ಬಳಿ ಸರಣಿ ಕಳವು ಯತ್ನ ನಡೆದಿದೆ , ಭಾನುವಾರ ತಡರಾತ್ರಿ ಈ ಘಟನೆ ಸಂಭವಿಸಿದ್ದು ಕಾಪಿಕಾಡ್ ಜಂಕ್ಷನ್‌ನಲ್ಲೇ ಇರುವ ಮೆಡಿಕಲ್ ಶಾಪ್, ಚಿನ್ನಾಭರಣಗಳ ಮಳಿಗೆ ಮತ್ತು ಸಹಕಾರ ಸಂಘವೊಂದಕ್ಕೆ ಕಳ್ಳರು ನುಗ್ಗಲು ವಿಫಲ ಯತ್ನ ನಡೆಸಿದ್ದಾರೆ. ಮೆಡ್‌ಪ್ಲಸ್ ಮೆಡಿಕಲ್ ಶಾಪ್‌ನೊಳಗೆ ನುಗ್ಗಿದ ಕಳ್ಳರು ಅಂಗಡಿಯ ಸೊತ್ತುಗಳನ್ನು ಚೆಲ್ಲಾಪಿಲ್ಲಿ ಮಾಡಿದ್ದು, ಹಿಂಭಾಗದ ಗೋಡೆಗೆ ತೂತು ಕೊರೆದು ಚಿನ್ನಾಭರಣ ಮಳಿಗೆಯೊಳಗೆ ನುಗ್ಗಲು ಯತ್ನಿಸಿದ್ದಾರೆ. ಆದರೆ ಗೋಡೆಯ ಹಿಂಭಾಗದಲ್ಲಿ ಚಿನ್ನಾಭರಣ ಮಳಿಗೆಯ ತಿಜೋರಿ ಇರಿಸಿದ ಕಾರಣ ಕಳ್ಳರಿಗೆ ಅಂಗಡಿಗೆ ನುಗ್ಗಿ ಕಳವು ಮಾಡಲು ಸಾಧ್ಯವಾಗಲಿಲ್ಲ. ಅಥವಾ ಇನ್ಯಾವುದೋ ಕಾರಣಕ್ಕೆ ಕಳ್ಳರು ಪರಾರಿಯಾಗಿರಬೇಕೆಂದು ಶಂಕಿಸಲಾಗಿದೆ. ಘಟನಾ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ತನಿಖೆಯನ್ನು ಕೈಗೆತ್ತಿಕೊಂಡಿದ್ದಾರೆ. ಬೆರಳಚ್ಚು ತಜ್ಞರು ಆಗಮಿಸಿ ಮಾಹಿತಿಯನ್ನು ಕಲೆ ಹಾಕಿದ್ದಾರೆ.
ಚಾನಲ್ ಫಾಲೋ ಮಾಡಿ
