ಮಂಗಳೂರು: ‘ಚಿಂತ್ಲ್ಯಾಂ’ ಕೊಂಕಣಿ ಮ್ಯೂಸಿಕ್ ಆಲ್ಬಂ ಬಿಡುಗಡೆ

•   Wed, Aug 15 2018 08:51:39 AM



• ಮಂಗಳೂರು, ಆ 15: ಎಲ್‌ವಿ‌ಎಲ್ ಬ್ಯಾನರ್‌ನಡಿ ನಿರ್ಮಾಣಗೊಂಡ ಚಿಂತ್ಲ್ಯಾಂ ಕೊಂಕಣಿ ಮ್ಯೂಸಿಕ್ ಆಲ್ಬಂ ಆಪ್ ನ್ನು ದಾಯ್ಜಿವರ್ಲ್ಡ್ ವಾಹಿನಿಯ ಡೈರೆಕ್ಟರ್ ಡಯಾನ್ ಡಿ ಸೋಜಾ ದಾಯ್ಜಿವರ್ಲ್ಡ್ ಸ್ಟುಡಿಯೋದಲ್ಲಿ ಬುಧವಾರ ಬೆಳಿಗ್ಗೆ ಬಿಡುಗಡೆಗೊಳಿಸಿದರು. ದಾಯ್ಜಿವಲ್ಡ್ ಸುದ್ದಿ ಸಮೂಹ ಸಂಸ್ಥೆಗಳ ಸ್ಥಾಪಕ ನಿರ್ದೇಶಕ ವಾಲ್ಟರ್ ನಂದಳಿಕೆ, ಡೈರೆಕ್ಟರ್ ಮೆಲ್ವಿನ್ ರೊಡ್ರಿಗಸ್, ಚಿಂತ್ಯ್ಲಾಂ ಗಾಯಕ ಲಾರೆನ್ಸ್ ಡಿ ಸೋಜ, ಫಾದರ್ ಆಲ್ವಿನ್ ಸಿಕ್ವೇರಾ(ಒಸಿಡಿ), ದಾಯ್ಜಿವರ್ಲ್ಡ ಆಡಿಯೋ ವಿಶುವಲ್ಸ್ ಸ್ಟುಡಿಯೋ ನಿರ್ದೇಶಕ ಆಶಿತ್ ಪಿಂಟೋ, ದಾಯ್ಜಿವರ್ಲ್ಡ್ ಮಾರುಕಟ್ಟೆ ವಿಭಾಗದ ಮುಖ್ಯಸ್ಥ ಪ್ರವೀಣ್ ತೌರೋ, ಗಾಯಕಿ ಲಿಡ್ವಿನ್ ಪಿಂಟೋ ಮೊದಲಾದವರು ಉಪಸ್ಥಿತರಿದ್ದರು.

  

  

  

  

  

  

  

  

   

  ಇನ್ನು ಈ ಹಾಡುಗಳನ್ನು ಎಲ್‌ವಿ‌ಎಲ್ ಟ್ಯೂನ್ಸ್‌ನಿಂದ ಕೇಳಬಹುದಾಗಿದೆ. ಒಟ್ಟು 13 ಹಾಡುಗಳಿದ್ದು, ಖ್ಯಾತ ಗಾಯಕರಾದ ಪ್ರಜೋತ್ ಡೇಸಾ, ನಿಹಾಲ್ ತೌರೋ, ಜೋಯಲ್ ಅತ್ತೂರ್, ಸ್ಟೀವನ್ ಅರ್‍ಹಾನ್ನಾ, ಜೋಶೆಲ್ ಸ್ವೀಡಾ ಡಿ ಸೋಜ, ಆಶಾ ಫೆರ್ನಾಂಡಿಸ್, ಗ್ವಾವಿನ್ ಮಿನೇಜಸ್, ಅಶ್ವಿನ್ ಡಿ ಕೋಸ್ಟಾ, ಜಾಸ್ಮಿನ್ ಐನೀಶ್ ಡಿ ಕೋಸ್ಟಾ, ಅನಿತಾ ಡಿ ಸೋಜ, ಮೊಹಮ್ಮದ್ ಇಕ್ಬಾಲ್ ಹಾಡಿದ್ದಾರೆ. ಡಾಲ್ವಿನ್ ಕೊಳಲಗಿರಿ ಮತ್ತು ರೋಶನ್ ಕೊರ್ಡೇರಿಯಾ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಸಾಹಿತ್ಯವನ್ನು ವಿಲ್ಸನ್ ಕಟೀಲ್, ಜಾಸ್ಸಿ ಸಿದ್ಧಕಟ್ಟೆ, ಜೋಯಲ್ ಅತ್ತೂರು, ವಿನ್ಸಿ ಪಿಂಟೋ, ವಿನ್ಸಿ ಲಸ್ರಾದೊ, ರೋಶನ್ ಸಾಂತೀಸ್ ರಚಿಸಿದ್ದಾರೆ. ಎಲ್‌ವಿ‌ಎಲ್ ಟ್ಯೂನ್ ರಚಿಸಿದ ವಿಡಿಯೋ ಹಾಡುಗಳು, ವಿಶ್ವಾಸ್ ದೋರೂಂ ವಿಡಿಯೋ ಹಾಡನ್ನು ಈಗಾಗಲೇ ಬಿಡುಗಡೆಗೊಂಡಿದ್ದು, ಇದನ್ನೂ ವೀಕ್ಷಿಸುವ ಅವಕಾಶವಿದೆ. ಮಂಗಳೂರಿನ ಅಡ್ಯಾರ್ ಪದವಿನ ಡ್ಯಾನ್ಸ್ ಸ್ಟಾರ್‍ಸ್ ಕ್ರೂ ತಂಡ ಹಾಡಿಗೆ ನೃತ್ಯ ಸಂಯೋಜನೆ ಮಾಡಿದ್ದಾರೆ.