ಕುಂದಾಪುರ ಅ 2: ಇಲ್ಲಿನ ಮರವಂತೆ ಬೀಚ್ ಬಳಿ ನಿಲ್ಲಿಸಿದ್ದ ಪ್ರವಾಸಿಗರ ಮೂರು ಕಾರಿನ ಗ್ಲಾಸ್ ಪುಡಿಮಾಡಿ ನಗ ನಗದು ಕಳವುಗೈದ ಘಟನೆ ನಿನ್ನೆ ಸಂಜೆ ನಡೆದಿದೆ. ಬಂಟ್ವಾಳ ಮೂಲದ ಗಣೇಶ್ ಕಾಮತ್, ಸಂತೋಷ್ ನಾಯಕ್ ಹಾಗೂ ಮಡಿಕೇರಿ ಮೂಲದ ಬಿ.ಕೆ. ಸೂರ್ಯ ನಾರಾಯಣ ಎಂಬುವವರಿಗೆ ಸೇರಿದ ಕಾರುಗಳಿಂದ ನಗ ನಗದು ದರೊಡೆಯಾಗಿದೆ. ಪ್ರವಾಸಕ್ಕೆಂದು ಕುಟುಂಬ ಸಮೇತ ಮರವಂತೆ ಬೀಚ್ ಗೆ ಬಂದಿದ್ದರು.ಕಾರ್ ನಿಲ್ಲಿಸಿ ವಿಹಾರಕ್ಕೆಂದು ಹೋದಾಗ ಈ ಘಟನೆ ನಡೆದಿದ್ದು .ಒಟ್ಟು 14 ಪವನ್ ಚಿನ್ನ, ನಾಲ್ಕು ಮೊಬೈಲ್ ಪೋನ್, 3300 ರೂ ನಗದು ಕಳವುಗೈದಿದ್ದಾರೆ.ಮೂರು ಪ್ರಕರಣಗಳಲ್ಲಿ ಒಂದೇ ರೀತಿಯಲ್ಲಿ ಕಾರಿನ ಗಾಜನ್ನು ಒಡೆದು ಚಿನ್ನಾಭರಣ ದೋಚಿರುವುದು ನುರಿತ ಕಳ್ಳರ ಕೈ ಚಳಕ ಇರಬಹುದೆಂದು ಶಂಕಿಸಲಾಗಿದೆ .ಘಟನೆ ಬಗ್ಗೆ ಗಂಗೊಳ್ಳಿ ಠಾಣೆಯಲ್ಲಿ ಪ್ರತ್ಯೇಕ ದೂರುಗಳು ದಾಖಲಾಗಿದೆ.
ಚಾನಲ್ ಫಾಲೋ ಮಾಡಿ
