ಉಡುಪಿ: ಆಕ್ಸ್‌ಫರ್ಡ್‌ ವಿದ್ಯಾರ್ಥಿ ಸಂಘದ ನಿಕೂಟಪೂರ್ವ ಅಧ್ಯಕ್ಷೆ ರಶ್ಮಿ ಸಾಮಂತ್ ಖಾತೆ ಡಿಲೀಟ್ ಮಾಡಿದ ಟ್ವೀಟರ್

•   Wed, Mar 10 2021 09:09:28 AM



• ಉಡುಪಿ, ಮಾ10 (DaijiworldNews/MS): ಇಂಗ್ಲೆಂಡ್‌ನ ಪ್ರತಿಷ್ಠಿತ ಆಕ್ಸ್‌ಫರ್ಡ್‌ ವಿಶ್ವವಿದ್ಯಾಲಯದ ಸ್ಟುಡೆಂಟ್‌ ಯೂನಿಯನ್‌ ಅಧ್ಯಕ್ಷೆ ಸ್ಥಾನಕ್ಕೆ ಈಚೆಗೆ ರಾಜೀನಾಮೆ ನೀಡಿದ್ದ ಉಡುಪಿ ಮೂಲದ ರಶ್ಮಿ ಸಾಮಂತ್ ಅವರ ಖಾತೆಯನ್ನು ಟ್ವೀಟರ್ ಡಿಲೀಟ್ ಮಾಡಿದೆ.

   

  ರಶ್ಮಿ 13 ರ ಹರೆಯದಲ್ಲಿ ಖಾತೆಯನ್ನು ಪ್ರಾರಂಭಿಸಿದ್ದರಿಂದ ಡಿಲೀಟ್ ಮಾಡಲಾಗಿದೆ ಎಂದು ಟ್ವೀಟರ್ ಕಾರಣ ನೀಡಿದೆ. ಆದರೆ ಟ್ವೀಟರ್ ನಿಯಮಗಳ ಪ್ರಕಾರ ಅಪ್ರಾಪ್ತ ವಯಸ್ಸಿನಲ್ಲಿ ಮಾಡಿರುವ ಟ್ವೀಟರ್’ಗಳನ್ನು ತೆಗೆದುಹಾಕಿದರೆ ಖಾತೆ ಮುಂದುವರಿಸಬಹುದಾಗಿದೆ. ರಶ್ಮಿ ಅವರು ಜನವರಿಯಲ್ಲೇ ಹಳೆಯ ಟ್ವೀಟ್ ಗಳನ್ನು ಡಿಲೀಟ್ ಮಾಡಿದ್ದಾರೆ.

  ಈ ಬಗ್ಗೆ ಮಾತನಾಡಿರುವ ರಶ್ಮಿ ಅವರು" 9ರ ಹರೆಯದ ಪರಿಸರ ಹೋರಾಟಗಾರ್ತಿ ಲಿಸಿಪ್ರಿಯಾ ಎಂಬಾಕೆ ಅಧಿಕೃತ ಟ್ವಿಟರ್ ಖಾತೆ ಚಾಲ್ತಿಯಲ್ಲಿರುವ ನನ್ನನ್ನು ಉದ್ದೇಶಪೂರ್ವಕವಾಗಿ ಗುರಿ ಮಾಡಲಾಗಿದೆ. ಯಾವುದೇ ಸಮುದಾಯಕ್ಕೆ ನೋವಾಗುವ ರೀತಿಯಲ್ಲಿ ನಾನು ಟ್ವೀಟ್ ಮಾಡಿಲ್ಲ ಆದರೂ ಖಾತೆ ಡಿಲೀಟ್ ಮಾಡಿರುವುದು ವಾಕ್ ಸ್ವಾತಂತ್ರ್ಯಕ್ಕೆ ನೀಡಿದ ದೊಡ್ಡ ಹೊಡೆತ" ಎಂದಿದ್ದಾರೆ

  ಭಾರತ ಮೂಲದ ವಿದ್ಯಾರ್ಥಿನಿ ಇತಿಹಾಸದಲ್ಲಿ ಮೊದಲ ಬಾರಿಗೆ ಆಕ್ಸ್‌ಫರ್ಡ್‌ ವಿವಿ ಸ್ಟುಡೆಂಟ್ ಯೂನಿಯನ್‌ ಅಧ್ಯಕ್ಷೆಯಾಗಿ ಆಯ್ಕೆಯಾಗಿದ್ದರು. ಆದರೆ ರಶ್ಮಿ ಅವರ ವಿರುದ್ದ ಸಾಮಾಜಿಕ ಜಾಲತಾಣಗಳಲ್ಲಿ ವೈಯಕ್ತಿಕವಾಗಿ ತೇಜೋವಧೆ ಮಾಡಿ ಕೀಳುಮಟ್ಟದ ಕಮೆಂಟ್‌ ಹಾಕಿದ್ದರಿಂದ ಮನನೊಂದು ರಶ್ಮಿ ಸಾಮಂತ್ ರಾಜೀನಾಮೆ ನೀಡಿದ್ದರು.