ಉಡುಪಿ: ಸಾರ್ವಜನಿಕರನ್ನು ಗುರಿಯಾಗಿಸಿ ಗಾಂಜಾ ಮಾರಾಟ-ಅರೋಪಿಗಳು ಅಂದರ್

•   Mon, Mar 08 2021 09:52:10 PM



• ಉಡುಪಿ, ಮಾ. 08 (DaijiworldNews/SM): ಇಲ್ಲಿನ ಸೆನ್ ಪೊಲೀಸರು ಗಾಂಜಾ ಹೊಂದಿರುವ ಇಬ್ಬರು ಡ್ರಗ್ ಪೆಡ್ಲರ್ ಗಳನ್ನು ಬಂಧಿಸಿದ್ದಾರೆ. ಮಾರ್ಚ್ 8ರ ಸೋಮವಾರ ಬೆಳಿಗ್ಗೆ 9.30ಕ್ಕೆ ಬಡಗಬೆಟ್ಟಿನ ವಾಸುದಾ ಕಂಫರ್ಟ್ಸ್ ಪ್ರದೇಶದ ಬಳಿ ಆರೋಪಿಗಳು ಗ್ರಾಹಕರನ್ನು ಹುಡುಕುತ್ತಿದ್ದರು.

  

  ಒಡಿಶಾದ ಜಗತ್ಸಿಂಗ್‌ಪುರ ಮೂಲದ ಪೂರ್ಣಚಂದ್ರ ದಾಸ್(23) ಎಂಬಾತನನ್ನು ಬಂಧಿಸಲಾಗಿದೆ. ಈತ ಮಣಿಪಾಲ್‌ನ ಬಡಗುಬೆಟ್ಟುವಿನಲ್ಲಿ ವಾಸಿಸುತ್ತಿದ್ದ. ಬಂಧಿತ ಇನ್ನೊಬ್ಬ ವ್ಯಕ್ತಿಯನ್ನು ಒಡಿಶಾದ ನಬರಂಗಪುರ ಮೂಲದ ಕಮಾಲು(28) ಎಂದು ಗುರುತಿಸಲಾಗಿದೆ. ಮತ್ತು ಪ್ರಸ್ತುತ ಮಣಿಪಾಲ್ ನ ಲೇಕ್ ವ್ಯೂ ಬಾರ್ ಬಳಿ ವಾಸಿಸುತ್ತಿದ್ದಾನೆ.

  ಆರೋಪಿಗಳಿಂದ 2.20 ಕೆಜಿ ಗಾಂಜಾ, ಎರಡು ಮೊಬೈಲ್ ಫೋನ್, ನೀಲಿ ಮತ್ತು ಬೂದಿ ಬಣ್ಣದ ಭುಜದ ಚೀಲ ಮತ್ತು 18 ಪ್ಲಾಸ್ಟಿಕ್ ಚೀಲಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಮುಟ್ಟುಗೋಲು ಹಾಕಿಕೊಂಡ ಗಾಂಜಾದ ಬೆಲೆ ಸುಮಾರು 70,000 ರೂಪಾಯಿ ಎಂದು ಅಂದಾಜಿಸಲಾಗಿದೆ. ಎರಡು ಮೊಬೈಲ್ ಫೋನ್‌ಗಳ ಮೌಲ್ಯ ಸುಮಾರು 9,000 ರೂ. ಎಂದು ತಿಳಿದುಬಂದಿದೆ.

  ಈ ಸಂಬಂಧ ಸೆನ್ 8 (ಸಿ), 20 (ಬಿ) (ii), (ಬಿ) ಎನ್‌ಡಿಪಿಎಸ್ ಕಾಯ್ದೆ 1985 ರ ಅಡಿಯಲ್ಲಿ ಅಪರಾಧ ನೋಂದಣಿ ಸಂಖ್ಯೆ - 19/2019 ರ ಅಡಿಯಲ್ಲಿ ಸೆನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.