ಕಾರ್ಕಳ: ಹಾಡುಹಗಲೇ ಮನೆಯಲ್ಲಿ ಕಳವು

•   Mon, Jul 30 2018 04:58:28 PM



• ಕಾರ್ಕಳ,ಜು 30: ಹಾಡುಹಗಲೇ ಮನೆಯ ಬೀಗ ಮುರಿದು ನಗದು ದೋಚಿರುವ ಘಟನೆ ಕಾರ್ಕಳದ ಬಂಗ್ಲೆಗುಡ್ಡೆಯಲ್ಲಿ ನಡೆದಿದೆ. ಜು 30 ರ ಸೋಮವಾರ ಬೆಳಿಗ್ಗೆ ಜೆಲ್ಲು ಡಿಸೋಜಾ ಎಂಬವರ ಮನೆಯಲ್ಲಿ ಈ ಕೃತ್ಯ ನಡೆದಿದೆ. ಬೆಳಿಗ್ಗೆ 11ರ ವೇಳೆಗೆ ಟೈಲರ್ ವೃತ್ತಿ ನಡೆಸುತ್ತಿರುವ ಪತಿಗೆ ಫಲಹಾರ ನೀಡಲು ಮನೆಗೆ ಬೀಗ ಹಾಕಿ ತೆರಳಿದ್ದ ಅವರ ಪತ್ನಿ ಮಧ್ಯಾಹ್ನ 1 ರ ವೇಳೆಗೆ ಹಿಂತಿರುಗಿದ್ದಾಗ ಈ ಘಟನಾವಳಿ ಬೆಳಕಿಗೆ ಬಂದಿದೆ.

  

  ಮನೆಯ ಹೊರಗಡೆ ಇದ್ದ ಕಬ್ಬಿಣ ರಾಡ್‌ನು ಕಳ್ಳರು ಕೃತ್ಯಕ್ಕೆ ಉಪಯೋಗಿಸಿ ಬೀಗ ಮುರಿದು ಹಾಕಿದ್ದಾರೆ. ಮನೆಯೊಳ್ಳಕ್ಕೆ ಅಕ್ರಮ ಪ್ರವೇಶಗೈದು ಕವಾಟಿನಲ್ಲಿ ಇರಿಸಲಾಗಿದ್ದ ಹತ್ತು ಸಾವಿರ ನಗದು ಕದ್ದೊದ್ದಿದ್ದಾರೆ. ಪರಿಚಯಸ್ಥರೇ ಈ ಕೃತ್ಯ ನಡೆಸಿರುವ ಶಂಕೆ ವ್ಯಕ್ತವಾಗಿದೆ. ಈ ಬಗ್ಗೆ ನಗರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.