ಬೆಳ್ತಂಗಡಿ: ಜೂಜು ಅಡ್ಡೆಗೆ ದಾಳಿ, ೧೮ ಮಂದಿ ಬಂಧನ

•   Sun, Jul 29 2018 09:50:15 PM



• ಬೆಳ್ತಂಗಡಿ, ಜು 29: ಜೂಜು ಅಡ್ಡೆಗೆ ದಾಳಿ ನಡೆಸಿದ ಪೊಲೀಸರು 18 ಮಂದಿಯನ್ನು ವಶಕ್ಕೆ ಪಡೆದುಕೊಂಡ ಘಟನೆ ಬೆಳ್ತಂಗಡಿಯ ಉಜಿರೆಯಲ್ಲಿ ನಡೆದಿದೆ.

  

  ಬಂಧಿತರಿಂದ ಪೋಲಿಸರು ಲಕ್ಷಾಂತರ ಮೌಲ್ಯದ ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಉಜಿರೆಯಲ್ಲಿನ ಗೋಲ್ಡನ್ ರಿಕ್ರಿಯೇಷನ್ ಕ್ಲಬ್‌ನಲ್ಲಿ ಅಕ್ರಮವಾಗಿ ಹಣವನ್ನು ಪಣವಾಗಿಸಿ ಜೂಜು ಆಡುತ್ತಿದ್ದ ವಚನ್ ಹಾಗೂ ಇತರ 18 ಜನರನ್ನು ವಶಕ್ಕೆ ಪಡೆದು ಅವರಿಂದ 36,640 ನಗದು, 57 ಇಸ್ಪೀಟು ಎಲೆಗಳನ್ನು, 4 ದ್ವಿಚಕ್ರವಾಹನಗಳನ್ನು, ಪೀಠೋಪಕರಣಗಳನ್ನು ಹಾಗೂ 22 ವಿವಿಧ ಕಂಪೆನಿಯ ಮೊಬೈಲ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇವೆಲ್ಲದರ ಮೌಲ್ಯ 2,18,690 ರೂ. ಎಂದು ಅಂದಾಜಿಸಲಾಗಿದೆ.