ಕಾಸರಗೋಡು: ಮಂಗಳೂರು-ಕಾಸರಗೋಡು ರಾ. ಹೆದ್ದಾರಿಯಲ್ಲಿ ಮತ್ತೆ ಅಪಘಾತಕ್ಕೆ ಕಾರಣ ಹೊಂಡ

•   Wed, Jul 25 2018 06:44:59 PM



• ಕಾಸರಗೋಡು, ಜು 25: ಇಲ್ಲಿನ ರಾಷ್ಟ್ರೀಯ ಹೆದ್ದಾರಿ ಹೊಂಡವು ಮತ್ತೆ ಅಪಘಾತಕ್ಕೆ ಕಾರಣವಾಗುತ್ತಿದೆ. ರಸ್ತೆ ಹೊಂಡಕ್ಕೆ ಸಿಲುಕಿದ ಕಾರಿನ ಟಯರ್ ಸ್ಪೋಟಗೊಂಡು ರಸ್ತೆ ಬದಿ ಮಗುಚಿ ಬಿದ್ದ ಘಟನೆ ಇಂದು ಕುಂಬಳೆ ಆರಿಕ್ಕಾಡಿಯಲ್ಲಿ ನಡೆದಿದೆ.

  

  

  ಕಾರು ಪ್ರಯಾಣಿಕರಾದ ಮೊಗ್ರಾಲ್ ಕೊಪ್ಪಳದ ಸರ್ಫ್ರಾಜ್ (20), ಸುನೈಫ್ (20), ಸಿರಾಜ್ (21), ಹಾಸಿಂ(22) ಗಾಯಗೊಂಡಿದ್ದಾರೆ. ಇವರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ದುಬೈಯಲ್ಲಿದ್ದ ಹಾಸಿಂ ಇಂದು ಬೆಳಿಗ್ಗೆ ಆಗಮಿಸಿದ್ದು, ಅವರನ್ನು ಮಂಗಳೂರು ವಿಮಾನ ನಿಲ್ದಾಣದಿಂದ ಕರೆದುಕೊಂಡು ಬರುತ್ತಿದ್ದಾಗ ಇವರು ಸಂಚರಿಸಿದ ಕಾರು ಅಪಘಾತಕ್ಕೀಡಾಗಿದೆ. ಹೆದ್ದಾರಿಯ ಬೃಹತ್ ಹೊಂಡಕ್ಕೆ ಬಿದ್ದ ಕಾರಿನ ಟಯರು ಸ್ಫೋಟ ಗೊಂಡಿದೆ. ಬಳಿಕ ನಿಯಂತ್ರಣ ತಪ್ಪಿದ ಕಾರು 100 ಮೀಟರ್ ದೂರದವರೆಗೆ ಸಂಚರಿಸಿ ಮಗುಚಿ ಬಿದ್ದು ಈ ಅಪಘಾತ ಸಂಭವಿಸಿದೆ. ದುಬೈ ಯಿಂದ ಊರಿಗೆ ಆಗಮಿಸಿದ ಹಾಸಿಂ ನನ್ನು ಮಂಗಳೂರು ವಿಮಾನ ನಿಲ್ದಾಣದಿಂದ ಕರೆದುಕೊಂಡು ಬರುತ್ತಿದ್ದಾಗ ಅಪಘಾತ ನಡೆದಿದೆ.