ಕೊಲ್ಲೂರು: ಬೈಕ್ ಅಪಘಾತಕ್ಕೆ ವ್ಯಕ್ತಿ ಬಲಿ

•   Fri, Sep 29 2017 11:47:20 AM



• ಕುಂದಾಪುರ, ಸೆ 29: ಮಳೆಯ ಆವಾಂತರಕ್ಕೆ ತಾಲೂಕಿನ ಇಡೂರಿನಲ್ಲಿ ವ್ಯಕ್ತಿಯೋರ್ವ ಅಪಘಾತದಿಂದ ಸಾವನ್ನಪ್ಪಿದ ಘಟನೆ ಗುರುವಾರ ಸಂಜೆ ನಡೆದಿದೆ.
  ಹಂಗಳೂರು ನಿವಾಸಿ ಪ್ರವೀಣ್ ಜಿ. ಘಟನೆಯಲ್ಲಿ ಸಾವನ್ನಪ್ಪಿದ್ದು, ಅವರು ಸಾಗರದಿಂದ ಹಂಗಳೂರು ಕಡೆಗೆ ಕೊಲ್ಲೂರು ಮಾರ್ಗವಾಗಿ ಬರುತ್ತಿದ್ದರು. ಈ ಸಂದರ್ಭ ಈಡೂರು ಸಮೀಪ ಕೊಲ್ಲೂರಿನಿಂದ ಕುಂದಾಪುರ ಕಡೆಗೆ ತೆರಳುತ್ತಿದ್ದ ಬಸ್ಸಿರುವುದನ್ನ ಮಳೆಯಿಂದಾಗಿ ಗಮನಿಸದ ಪ್ರವೀಣ್ ಬಸ್‌ನ ಹಿಂಭಾಗಕ್ಕೆ ಢಿಕ್ಕಿ ಹೊಡೆದಿದ್ದಾನೆ. ಈ ಸಂದರ್ಭ ರಸ್ತೆಗೆ ಬಿದ್ದ ಪ್ರವೀಣ್ ತಲೆಗೆ ಗಂಭೀರ ಗಾಯವಾಗಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಕೊಲ್ಲೂರು ಠಾಣೆ ಪೊಲೀಸರು ಸ್ಥಳಕ್ಕೆ ತೆರಳಿ ಪರಿಶೀಲನೆ ನಡೆಸಿದ್ದಾರೆ.