ಮಂಗಳೂರು: 'ಬಿಜೆಪಿಯಿಂದ ಗರೀಬೋಂಕೋ ಹಠಾವೊ ಯತ್ನ' - ಬಿಪಿಎಲ್ ಕಾರ್ಡ್ ವಿಚಾರದಲ್ಲಿ ಉಮೇಶ್ ಕತ್ತಿ ವಿರುದ್ಧ ಖಾದರ್ ವಾಗ್ದಾಳಿ

•   Mon, Feb 15 2021 04:05:58 PM



• ಮಂಗಳೂರು, ಫೆ.15 (DaijiworldNews/HR): ಫ್ರಿಜ್, ಟಿವಿ ಅಥವಾ ದ್ವಿಚಕ್ರ ವಾಹನಗಳನ್ನು ಹೊಂದಿದ್ದವರು ತಮ್ಮ ಬಿಪಿಎಲ್ ಕಾರ್ಡ್‌ಗಳನ್ನು ಹಿಂದಿರುಗಿಸುವಂತೆ ಹೇಳಿರುವ ಆಹಾರ ಮತ್ತು ನಾಗರಿಕ ಸರಬರಾಜು ಸಚಿವ ಉಮೇಶ್ ಕತ್ತಿ ಅವರ ಹೇಳಿಕೆಯನ್ನು ಎಂಎಲ್‌ಎ ಯು.ಟಿ ಖಾದರ್ ಖಂಡಿಸಿದ್ದಾರೆ.

   

  

  ಈ ಕುರಿತು ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಖಾದರ್, "ಸಚಿವರು ನೀಡಿದ ಹೇಳಿಕೆ ಜನ ವಿರೋಧಿಯಾಗಿದ್ದು, ರಾಜ್ಯ ಸರ್ಕಾರಕ್ಕೆ ಜನರ ಬಗ್ಗೆ ಯಾವುದೇ ಕಾಳಜಿ ಇಲ್ಲ ಎಂಬುದು ಸಾಬೀತಾಗಿದೆ" ಎಂದರು.

  "ಸಚಿವರು ಪಡಿತರ ಚೀಟಿ ಇಲ್ಲದವರಿಗೆ ನೀಡುವ ಬಗ್ಗೆ ಮತ್ತು ಫಲಾನುಭವಿಗಳಿಗೆ ಹೆಚ್ಚುವರಿ ಅಕ್ಕಿ ನೀಡುವ ಬಗ್ಗೆ ಮಾತನಾಡಬೇಕು. ಆದರೆ ಇವರು ತಮ್ಮ ಪಡಿತರ ಚೀಟಿಗಳನ್ನು ಹಿಂದಿರುಗಿಸುವಂತೆ ಜನರನ್ನು ಕೇಳುತ್ತಿದ್ದಾರೆ. ಪ್ರತಿ ಮನೆಯಲ್ಲೂ ಟಿವಿ, ಫ್ರಿಜ್, ದ್ವಿಚಕ್ರ ವಾಹನ ಇದೆ. ಇವು ಐಷಾರಾಮಿ ಅಲ್ಲ, ದೈನಂದಿನ ಜೀವನಕ್ಕೆ ಅವು ಅತ್ಯಗತ್ಯ. ಅವರು ಮೊಬೈಲ್ ಫೋನ್ ಅನ್ನು ಪಟ್ಟಿಯಿಂದ ಏಕೆ ಬಿಟ್ಟಿದ್ದಾರೆ? " ಎಂದು ಪ್ರಶ್ನಿಸಿದ್ದಾರೆ.

  "ಸರ್ಕಾರವು ಹೊರತಂದಿರುವ ಕಾರ್ಯಕ್ರಮಗಳು ಜನರಿಗೆ ಪ್ರಯೋಜನವನ್ನು ನೀಡಬೇಕು. ಬದಲಾಗಿ ಅದು ಜನರನ್ನು ತೀವ್ರ ತೊಂದರೆಗೆ ಸಿಲುಕಿಸುತ್ತಿದೆ. ಸಾರ್ವಜನಿಕ ವಿತರಣಾ ವ್ಯವಸ್ಥೆಯನ್ನು (ಪಿಡಿಎಸ್) ರದ್ದುಗೊಳಿಸಲು ರಾಜ್ಯ ಸರ್ಕಾರ ಮತ್ತು ಕೇಂದ್ರ ಸರ್ಕಾರ ಯೋಜಿಸುತ್ತಿದೆ ಎಂಬ ಭಾವನೆ ನಮ್ಮಲ್ಲಿದೆ. ಒಮ್ಮೆ ಕೃಷಿ ಮಸೂದೆ ಅನುಷ್ಠಾನಗೊಳಿಸಿದ ಪಿಡಿಎಸ್ ವ್ಯವಸ್ಥೆಯು ಅಪಾಯದಲ್ಲಿದೆ "ಎಂದರು.

  "ಬಿಪಿಎಲ್ ಕಾರ್ಡ್ ಅಡಿಯಲ್ಲಿ ಲಭ್ಯವಿರುವ ಪ್ರಯೋಜನಗಳನ್ನು ಸರ್ಕಾರ ಕಡಿಮೆ ಮಾಡಿದೆ. ಅಕ್ಕಿಯನ್ನು 7 ಕೆಜಿಯಿಂದ 5 ಕೆಜಿಗೆ ಕಡಿತಗೊಳಿಸಲಾಗಿದೆ. ರಾಗಿಯನ್ನು ಜಿಲ್ಲೆಯಲ್ಲಿ ವಿತರಿಸಲಾಗಿದೆ, ಆದರೆ ವಾಸ್ತವದಲ್ಲಿ ದಕ್ಷಿಣ ಕನ್ನಡದ ಜನರು ರಾಗಿಯನ್ನು ಸೇವಿಸುವುದಿಲ್ಲ. ಅಲ್ಲದೆ ನಮ್ಮಲ್ಲಿ ಸೇವಿಸುವ ಅಕ್ಕಿಯನ್ನು ಕೊಡಲು ಕೇಳುತ್ತಿದ್ದೆವೆ. ನಾವು ಅಧಿಕಾರದಲ್ಲಿದ್ದಾಗ ಪ್ರತಿ ವಿಭಾಗವು ನಿರ್ಗತಿಕರಾಗಲಿ ಅಥವಾ ಆಧಾರ್ ಕಾರ್ಡ್ ಹೊಂದಿದ್ದ ನಾಗರಿಕ ಕಾರ್ಮಿಕರಿಗೆ ಪಡಿತರ ಚೀಟಿ ಕೊಡುತ್ತಿದ್ದೇವು" ಎಂದರು.

  ಇನ್ನು ಸಚಿವರು ನೀಡಿದ ಹೇಳಿಕೆಯನ್ನು ಕಾಂಗ್ರೆಸ್ ಖಂಡಿಸುತ್ತದೆ ಮತ್ತು ಈ ವಿಷಯದ ಬಗ್ಗೆ ಚರ್ಚೆಗೆ ಒತ್ತಾಯಿಸುತ್ತದೆ. ಕಾಂಗ್ರೆಸ್ ಘೋಷಣೆ 'ಗರೀಬಿ ಹಠಾವೊ' (ಬಡತನವನ್ನು ನಿರ್ಮೂಲನೆ ಮಾಡಿ) ಆದರೆ ಬಿಜೆಪಿಯ ನೀತಿಗಳು 'ಗರೀಬೋಂಕೋ ಹಠಾವೊ' (ಬಡವರನ್ನು ನಿರ್ಮೂಲನೆ ಮಾಡಿ) ಗುರಿಯನ್ನು ಹೊಂದಿದೆ ಎಂದು ಹೇಳಿದ್ದಾರೆ.

  "ಈ ಸರ್ಕಾರವು ತನ್ನ ನಿರ್ಧಾರವನ್ನು ಹಿಂತೆಗೆದುಕೊಳ್ಳದಿದ್ದರೆ ಹೆಚ್ಚು ದಿನ ಸರ್ಕಾರ ಉಳಿಯುವುದಿಲ್ಲ. ನೀವು ಅಂತಹ ಜನ ವಿರೋಧಿ ನೀತಿಗಳನ್ನು ಪರಿಚಯಿಸಿದಾಗ, ಜನರು ಸರ್ಕಾರವನ್ನು ಉರುಳಿಸುತ್ತಾರೆ" ಎಂದರು.