ಮಂಗಳೂರು: ಚರ್ಚ್, ಮಸೀದಿಗೆ ಒಂದು ಕಾನೂನು-ದೇವಸ್ಥಾನಕ್ಕೆ ಮತ್ತೊಂದು ಕಾನೂನು ಮಾಡಿದ್ದಲ್ಲಿ ಸುಮ್ಮನಿರುವುದಿಲ್ಲ-ವಿಹೆಚ್ ಪಿ

•   Thu, Feb 04 2021 08:40:17 PM



• ಮಂಗಳೂರು, ಫೆ. 04 (DaijiworldNews/SM): ಖಾಸಗಿ ಹಿಂದೂ ದೇಗುಗಳ ಸರಕಾರೀಕರಣಕ್ಕೆ ಸರ್ಕಾರದ ಧಾರ್ಮಿಕ ದತ್ತಿ ಇಲಾಖೆ ಆದೇಶ ನೀಡಿದ್ದು, ಸರ್ಕಾರದ ಹೊಸ ಆದೇಶಕ್ಕೆ ವಿಶ್ವಹಿಂದೂ ಪರಿಷತ್ ತೀವ್ರ ವಿರೋಧ ವ್ಯಕ್ತಪಡಿಸಿದೆ.

  

  ಸುದ್ದಿಗೋಷ್ಠಿಯಲ್ಲಿ ಮಾತನಾಡಿರುವ ವಿಶ್ವ ಹಿಂದೂ ಪರಿಷತ್ ಮುಖಂಡ ಶರಣ್ ಪಂಪ್‌ವೆಲ್, ಚರ್ಚ್, ಮಸೀದಿಗೆ ಒಂದು ಕಾನೂನು ಆದರೆ, ದೇವಸ್ಥಾನಕ್ಕೆ ಬೇರೆಯೇ ಕಾನೂನಾ? ಎಂದು ಪ್ರಶ್ನೆ ಮಾಡಿದ್ದಾರೆ.

  ಸರಕಾರ ಕಲಂ-52ರ ಅಡಿಯಲ್ಲಿ ಆದೇಶ ಹೊರಡಿಸಿದ್ದು, ಇದನ್ನು ವಿಶ್ವ ಹಿಂದೂ ಪರಿಷತ್ ತೀವ್ರವಾಗಿ ಖಂಡಿಸುತ್ತದೆ. ಹಾಗೂ ಬಿಜೆಪಿ ಸರ್ಕಾರದ ವಿರುದ್ಧ ವಿಶ್ವಹಿಂದೂ ಪರಿಷತ್ ಆಕ್ರೋಶ ವ್ಯಕ್ತಪಡಿಸಿದೆ. ಸರ್ಕಾರದ ಆದೇಶವನ್ನು ತಕ್ಷಣ ಹಿಂಪಡೆಯಬೇಕು. ಇಲ್ಲವಾದಲ್ಲಿ ಬಿಜೆಪಿ ಸರ್ಕಾರದ ವಿರುದ್ಧ ಹೋರಾಟ ನಡೆಸಲಾಗುವುದು ಎಂಬುವುದಾಗಿ ಅವರು ಎಚ್ಚರಿಕೆ ನೀಡಿದ್ದಾರೆ.