ಮಂಗಳೂರು: ದಗಲ್ ಬಾಜಿಲು ಚಿತ್ರದ ಟ್ರೇಲರ್ ಬಿಡುಗಡೆ

•   Mon, Jul 09 2018 01:30:16 PM



• ಮಂಗಳೂರು, ಜು : ಅನುಗ್ರಹ ಫಿಲಂ ಲಾಂಛನದಲ್ಲಿ ಕುಂಬ್ಳೆ ಸಂತೋಷ್ ಶೆಟ್ಟಿ ಮತ್ತು ಸ್ನೇಹಿತರು ನಿರ್ಮಿಸಿರುವ ’ ದಗಲ್ ಬಾಜಿಲು’ ಸಿನಿಮಾ ದ ಟ್ರೇಲರ್ ಮೂಡುಬಿದಿರೆಯ ಶ್ರೀ ಹನುಮಾನ್ ದೇವಸ್ಥಾನದಲ್ಲಿ ಇತ್ತೀಚೆಗೆ ಬಿಡುಗಡೆಯಾಯಿತು. ಚಿತ್ರ ಜುಲೈ ೨೦ ರಂದು ಕರಾವಳಿಯಾದ್ಯಂತ ತೆರೆಕಾಣಲಿದೆ. ದಗಲ್ ಬಾಜಿಲು- ತೂಯೇರ್ ಪೊಂಡಾ ಮಾತೆರ್ಲಾ ಚಿತ್ರವನ್ನು ಎ.ಎಸ್ ಪ್ರಶಾಂತ್ ನಿರ್ದೇಶಿಸಿದ್ದು, ಕಥೆ ಚಿತ್ರಕಥೆ ಸಂಭಾಷಣೆ ಸಾಹಿತ್ಯ ಬಾಂಬೆ ಬಾಚು ಖ್ಯಾತಿಯ ಸುರೇಶ್ ಅಂಚನ್ ಮೂಡುಬಿದಿರೆ ಅವರದ್ದು. 

  

  ಸಮಾಜದಲ್ಲಿ ಎಲ್ಲರೂ ಮೋಸಗಾರರೇ ಅಥವಾ ಒಂದಿಲ್ಲೊಂದು ರೀತಿಯಲ್ಲಿ ಮೋಸಕ್ಕೆ ಒಳಗಾದವರೇ ಎನ್ನುವ ಎಳೆಯನ್ನು ಹೊಂದಿದ ಸಿನಿಮಾ. ಕಾಮಿಡಿ, ಪ್ಯಾಮಿಲಿ ಸೆಂಟಿಮೆಂಟ್, ರೋಮಾನ್ಸ್, ಮಿಶ್ರಗೊಂಡ ಸಿನಿಮಾದಲ್ಲಿ ಹೊಸ ಪ್ರತಿಭೆ ವಿಘ್ನೇಶ್ ನಾಯಕನಾಗಿ ಕಾಣಿಸಿಕೊಂಡಿದ್ದು, ಇವರಿಗೆ ರಶ್ಮಿಕಾ ಜತೆಯಾಗಿದ್ದಾರೆ ಉಳಿದಂತೆ ಪ್ರಿಯಾ ಹೆಗ್ಡೆ , ಸೀಮಾ ರೇ, ಲೀಡ್ ರೋಲ್ ನಲ್ಲಿ ತೆರೆಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಉಳಿದಂತೆ ಕರಾವಳಿಯ ದಿಗ್ಗಜ ನಟರಾದ ನವೀನ್ ಪಡೀಲ್, ಬೋಜರಾಜ್ ವಾಮಂಜೂರು, ಅರವಿಂದ್ ಬೋಳಾರ್, ಸತೀಸ್ ಬಂದಲೆ ದೀಪಕ್ ರೈ, ಉಮೇಶ್ ಮಿಜಾರು , ಪ್ರಕಾಶ್ ತುಮಿನಾಡ್ ,ರೂಪಾ ವರ್ಕಾಡಿ ಹೀಗೆ ಕಲಾವಿದರ ಸಾಲೇ ಸಿನಿಮಾದಲ್ಲಿ ಇದೆ. ಪ್ರಸಿದ್ಧ ಸಂಗೀತ ನಿರ್ದೇಶಕ ಆರ್. ಡಿ. ವರ್ಮನ್ ಮತ್ತು ಸಂದೇಶ್ ಬಾಬು ಅವರ ಸಂಗೀತವಿದ್ದು ವಿಜಯ್ ಪ್ರಕಾಶ್, ಅನುರಾಧಾ ಭಟ್, ರಾಜೇಶ್ ಕೃಷ್ಣನ್ ಮತ್ತು ಪಟ್ಲಾ ಸತೀಶ್ ಅವರ ಸುಮದುರ ಕಂಠದ ಆರು ಹಾಡುಗಳಿಗಿವೆ.