ಕಾಸರಗೋಡು : ಭೀಕರ ಅಪಘಾತ - ಐವರ ಸಾವು-, 13 ಮಂದಿ ಗಂಭೀರ ಗಾಯ

•   Mon, Jul 09 2018 10:15:49 AM



• ಕಾಸರಗೋಡು, ಜು 09 : ತೂಫಾನ್ ಜೀಪು ಮತ್ತು ಲಾರಿ ನಡುವೆ ಉಂಟಾದ ಭೀಕರ ಅಪಘಾತದಲ್ಲಿ ಐವರು ಮೃತಪಟ್ಟು , 13 ಮಂದಿ ಗಂಭೀರ ಗಾಯಗೊಂಡ ಘಟನೆ ಇಂದು ಬೆಳಿಗ್ಗೆ ರಾಷ್ಟ್ರೀಯ ಹೆದ್ದಾರಿಯ ಉಪ್ಪಳ ಸಮೀಪದ ನಯಾಬಜಾರ್ ನಲ್ಲಿ ನಡೆದಿದೆ.ಮಂಗಳೂರು ಕಡೆಯಿಂದ ಸರಕು ಹೇರಿಕೊಂಡು ಕೊಚ್ಚಿಗೆ ತೆರಳುತ್ತಿದ್ದ ಲಾರಿ ಮತ್ತು ಮಂಗಳೂರು ಕಡೆಗೆ ತೆರಳುತ್ತಿದ್ದ ಜೀಪು ನಡುವೆ ಅಪಘಾತ ನಡೆದಿದೆ.

  

  

  

  

  

  

  ಮೃತಪಟ್ಟವರಲ್ಲಿ ಮೂವರು ಮಹಿಳೆಯರು, ಜೀಪು ಚಾಲಕ ಸೇರಿದಂತೆ ಇಬ್ಬರು ಪುರುಷರು ಒಳಗೊಂಡಿದ್ದಾರೆ .ಮೃತಪಟ್ಟವರು ತಲಪಾಡಿ ಕೆ .ಸಿ ರೋಡ್ ಅಜ್ಜಿನಡ್ಕದ ಭೀಫಾತಿಮ್ಮ (65), ಆಸ್ಮಾ ( 30) ನಸೀಮಾ (38), ಮುಸ್ತಾಕ್ (41), ಇಮ್ತಿಯಾಜ್ (35) ಎಂದು ತಿಳಿದು ಬಂದಿದೆ.
  ಪಾಲಕ್ಕಾಡ್ ನಲ್ಲಿ ಸಂಬಂಧಿಕರ ಗೃಹ ಪ್ರವೇಶ ಕ್ಕೆ ತೆರಳಿ ಮರಳುತ್ತಿದ್ದಾಗ ಅಪಘಾತ ನಡೆದಿದೆ.

  ಜೀಪು ಪೂರ್ಣವಾಗಿ ನಜ್ಜುಗುಜ್ಜಾಗಿದೆ . ಲಾರಿಯ ಮುಂಭಾಗದ ಟಯರ್ ಸ್ಫೋಟಗೊಂಡಿದ್ದು , ಟಯರ್ ಸ್ಪೋಟಗೊಂಡು ನಿಯಂತ್ರಣ ತಪ್ಪಿ ಅಪಘಾತ ನಡೆದಿರಬಹುದು ಎಂದು ಪ್ರಾಥಮಿಕ ತನಿಖೆಯಿಂದ ಅಂದಾಜಿಸಲಾಗಿದೆ. ನಜ್ಜು ಗುಜ್ಜಾದ ಜೀಪಿನಲ್ಲಿ ಸಿಲುಕಿದ್ದವರನ್ನು ಅಗ್ನಿಶಾಮಕ ದಳ , ಪೊಲೀಸರು, ಸ್ಥಳೀಯರು ಹರಸಾಹಸದಿಂದ ಹೊರತೆಗೆದರೂ ನಾಲ್ವರು ಸ್ಥಳದಲ್ಲೇ ಮೃತಪಟ್ಟಿದ್ದು , ಇನ್ನೊಬ್ಬರು ಆಸ್ಪತ್ರೆಯಲ್ಲಿ ಮೃತಪಟ್ಟದ್ದಾರೆ. ಗಾಯಗೊಂಡವರನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ