ಉಡುಪಿ: ಭಿಕ್ಷುಕರ ವೇಷದಲ್ಲಿ ಕೋಳಿ ಕದಿಯುತ್ತಿದ್ದವರು ಅರೆಸ್ಟ್‌‌‌

•   Fri, Jan 29 2021 04:47:59 PM



• ಉಡುಪಿ, ಜ.29 (DaijiworldNews/PY): ಭಿಕ್ಷುಕರ ವೇಷದಲ್ಲಿ ಬಂದು ಕೋಳಿ ಕದಿಯುತ್ತಿದ್ದ ದಂಪತಿಗಳನ್ನು ಅಡ್ಯಾರ್‌‌ ಅರ್ಕುಳದಲ್ಲಿ ಸಾರ್ವಜನಿಕರು ಬಂಧಿಸಿದ್ದಾರೆ.

  

  ಮನೆಗೆ ಕೋಳಿ ಕದಿಯಲು ಬಂದ ಸಂದರ್ಭ ಸಾರ್ವಜನಿಕರು ಕೋಳಿ ಕದಿಯುತ್ತಿದ್ದ ದಂಪತಿಗಳನ್ನು ಬಂಧಿಸಿದ್ದಾರೆ.

  ಇವರು ಕೋಳಿ ಕದಿಯುವುದನ್ನು ಕರಗತ ಮಾಡಿಕೊಂಡಿದ್ದು, ಭಿಕ್ಷುಕರ ವೇಷದಲ್ಲಿ ಮನೆ ಮನೆಗೆ ಹೋಗುತ್ತಿದ್ದರು. ಮನೆಯಲ್ಲಿ ಯಾರೂ ಇಲ್ಲ ಎನ್ನುವುದು ತಿಳಿಯುತ್ತಿದ್ದಂತೆ ಕೋಳಿಗಳನ್ನು ಕದಿಯುತ್ತಿದ್ದರು.

  ಮನೆಯಲ್ಲಿ ಕೋಳಿಗಳು ಇರುವುದನ್ನು ಗಮನಿಸುತ್ತಿದ್ದ ದಂಪತಿಗಳು ನಿಧಾನವಾಗಿ ಆ ಮನೆಗೆ ತೆರಳಿ ವಿಶ್ರಾಂತಿ ಪಡೆಯುತ್ತಾರೆ. ಬಳಿಕ ಅವರು ಕೋಳಿಗಳಿಗೆ ಅಕ್ಕಿಕಾಳು ಹಾಕಿ ಹತ್ತಿರ ಬರುವಂತೆ ಮಾಡುತ್ತಾರೆ. ಹತ್ತಿರ ಬರುತ್ತಿದ್ದಂತೆ ಅವುಗಳ ಕುತ್ತಿಗೆಯನ್ನು ಬಿಗಿಯಾಗಿ ಹಿಡಿದು, ತಿರುಚಿ ತಮ್ಮ ಬಳಿಯಿದ್ದ ಚೀಲದಲ್ಲಿ ಹಾಕಿಕೊಳ್ಳುತ್ತಾರೆ.

  ಈ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿತ್ತು. ಉಡುಪಿ ಬಳಿಯ ಕಾಪುವಿನಲ್ಲಿ ಕೂಡಾ ಈ ರೀತಿ ಕೋಳಿಯನ್ನು ಕಳವು ಮಾಡಲಾಗಿದ್ದು, ಈ ವೇಳೆ ಈ ವೃದ್ದ ದಂಪತಿಯ ಕೃತ್ಯವನ್ನು ಮಹಿಳೆಯೊಬ್ಬರು ಮೊಬೈಲ್‌ನಲ್ಲಿ ಸೆರೆಹಿಡಿದಿದ್ದರು.