ಮಂಗಳೂರು : ಜನರು ಮಾಜಿ ಸಚಿವ ರೈ ಅವರನ್ನು ಕಾಡಿಗೆ ಕಳುಹಿಸಿದ್ದಾರೆ - ಸಂಸದ ನಳಿನ್ ಕುಮಾರ್ ವ್ಯಂಗ್ಯ

•   Mon, Jul 02 2018 03:09:04 PM



• ಮಂಗಳೂರು, ಜು. 02: 'ನಳಿನ್ ಕುಮಾರ್ ಸೋಮಾರಿ ಸಂಸದ' ಎಂಬ ಮಾಜಿ ಸಚಿವ ರಮಾನಾಥ್ ರೈ ಅವರ ಹೇಳಿಕೆಗೆ ಸಂಸದ ನಳಿನ್ ಕುಮಾರ್ ಕಟೀಲ್ ಮಾತಿನ ಜು. 02 ರ ಸೋಮವಾರ ತಿರುಗೇಟು ನೀಡಿದ್ದಾರೆ. ನಗರ ಪ್ರೆಸ್ ಕ್ಲಬ್ ನಲ್ಲಿ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿದ ಬಳಿಕ ಮಾಧ್ಯಮಗಳಿಗೆ ಪ್ರತಿಕ್ರಿಯಿಸಿ ಮಾತನಾಡಿದ ಅವರು, ಇಲ್ಲಿ ಯಾರು ಸೊಂಬೇರಿ ಎನ್ನುವುದನ್ನು ಈ ಬಾರಿ ನಡೆದ ವಿಧಾನ ಸಭಾ ಚುನಾವಣೆಯಲ್ಲಿ ಜನರು ತೋರಿಸಿದ್ದಾರೆ. ಅಂಥವರಿಗೆ ಮತದಾರರು ತಕ್ಕ ಪಾಠ ಕಲಿಸಿ, ಅವರನ್ನ ಕಾಡಿಗೆ ಕಳುಹಿಸಿದ್ದಾರೆ ಎಂದು ವ್ಯಂಗ್ಯವಾಡಿದರು.

  

  ಜನರೇ ತೀರ್ಮಾನ ನೀಡಿದ ಬಳಿಕ ನಾನು ಇನ್ನು ಇವರ ಆರೋಪಗಳಿಗೆ ಕಿವಿಗೊಡುವುದರಲ್ಲಿ ಅರ್ಥವಿಲ್ಲ. ಮಾಡಲು ಕೆಲಸವಿಲ್ಲದವರು ಈ ರೀತಿ ಹೇಳಿಕೆ ನೀಡುತ್ತಾರೆ. ರಮಾನಾಥ ರೈ ಅವರಿಗೆ ಕಳೆದ 30 ವರ್ಷಗಳಿಂದ ’ತಾನೇ ಶಾಸಕ’ನಾಗಿದ್ದೆ ಎನ್ನುವುದೇ ದೊಡ್ಡ ಸಾಧನೆಯಂತಾಗಿದೆ. ಎಲ್ಲಾ ವಿಚಾರದಲ್ಲಿ ರಮಾನಾಥ ರೈ ಅವರಿಗೆ ತಾನೇ ಸರ್ವಜ್ಞ ಎಂದು ಭ್ರಮೆ ಮೂಡಿದೆ ಎಂದು ಸಂಸದ ನಳಿನ್ ಟೀಕಿಸಿದರು.