ಕಾಸರಗೋಡಿನ 11 ಮಂದಿ ನಿಗೂಢವಾಗಿ ನಾಪತ್ತೆ

•   Wed, Jun 27 2018 01:51:23 PM



• ಕಾಸರಗೋಡು ಜೂ 27: ದುಬೈಗೆ ಹೊರಟಿದ್ದ ಕಾಸರಗೋಡಿನ ಎರಡು ಕುಟುಂಬದ 11 ಮಂದಿ ನಿಗೂಢವಾಗಿ ನಾಪತ್ತೆಯಾಗಿರುವುದಾಗಿ ಕಾಸರಗೋಡು ಪೊಲೀಸರಿಗೆ ದೂರು ಲಭ್ಯವಾಗಿದೆ. 

  

  ಚೆಮ್ನಾಡ್ ಮುಂಡಕುಲದ ಅಬ್ದುಲ್ ಹಮೀದ್ ನೀಡಿದ ದೂರಿನಂತೆ ಮಹಿಳೆ, ಮಕ್ಕಳು ಸೇರಿದಂತೆ ಆರು ಮಂದಿ ನಾಪತ್ತೆಯಾಗಿದ್ದಾರೆ ಎಂದು ಮೊದಲ ದೂರು ದಾಖಲಾಗಿದೆ. ಅಬ್ದುಲ್ ಹಮೀದ್ ರ ಪುತ್ರಿ ನಸೀರಾ (25) ಪತಿ ಮೊಗ್ರಾಲ್ ನ ಸವಾದ್ ( 35), ಮಕ್ಕಳಾದ ಮುಸಾಬ್ ( 6), ಮರ್ಜನಾ ( 3),11 ತಿಂಗಳ ಮಗು ಮುಹಮ್ಮಿಲ್ , ಸವಾದ್ ನ ಎರಡನೇ ಪತ್ನಿ ಚೆಮ್ನಾಡ್ ನ ರೆಹನತ್ ( 25) ನಾಪತ್ತೆಯಾಗಿದ್ದಾರೆ .
  ಇವರ ಜೊತೆ ಅಣಂಗೂರು ಕೊಲ್ಲಂಪಾಡಿಯ ಅನ್ಸಾರ್ , ಪತ್ನಿ ಝೀನತ್ , ಮೂವರು ಮಕ್ಕಳು ನಾಪತ್ತೆಯಾಗಿದ್ದಾರೆ ಎಂದು ಇನ್ನೊಂದು ದೂರು ನೀಡಲಾಗಿದೆ. ಜೂನ್ 15 ರಿಂದ ನಾಪತ್ತೆಯಾಗಿರುವುದಾಗಿ ದೂರಿನಲ್ಲಿ ತಿಳಿಸಲಾಗಿದೆ. ಯಾವುದೇ ಮಾಹಿತಿ ಇಲ್ಲದಿರುವುದರಿಂದ ಯಾವುದಾದರೂ ಸಂಘಟನೆಗೆ ಸೇರ್ಪಡೆಗೊಂಡಿರಬಹುದೇ ಎಂಬ ಸಂಶಯ ಉಂಟಾಗಿದೆ. ವರ್ಷದ ಹಿಂದೆ ಪಡನ್ನದಿಂದ ಹದಿನೈದಕ್ಕೂ ಅಧಿಕ ಮಂದಿ ನಾಪತ್ತೆ ಯಾಗಿದ್ದು, ಬಳಿಕ ಇವರು ಐಸಿಸ್ ಸಂಘಟನೆಗೆ ಸೇರ್ಪಡೆಗೊಂಡ ಬಗ್ಗೆ ಮಾಹಿತಿ ಲಭಿಸಿತ್ತು.
  ಇದರಿಂದ ನಿಗೂಢವಾಗಿ ನಾಪತ್ತೆಯಾದ 11 ಮಂದಿಯ ಬಗ್ಗೆ ಸಾಕಷ್ಟು ಸಂಶಯಕ್ಕೆ ಕಾರಣವಾಗಿದ್ದು ಪೊಲೀಸರು ಮಾಹಿತಿ ಕಲೆ ಹಾಕುತ್ತಿದ್ದಾರೆ