ಕಾಸರಗೋಡು: ಸ್ಪೋಟಗೊಂಡ ರೆಫ್ರಿಜರೇಟರ್ -ತಪ್ಪಿದ ಅನಾಹುತ

•   Tue, Jun 19 2018 12:34:20 PM



• ಕಾಸರಗೋಡು, ಜೂ 19: ಆಕಸ್ಮಿಕವಾಗಿ ರೆಫ್ರಿಜರೇಟರ್ ಸ್ಪೋಟಗೊಂಡ ಘಟನೆ ಕಾಸರಗೋಡು ನಗರದ ಹೊರವಲಯದ ನಾಯಮ್ಮಾರಮೂಲೆಯಲ್ಲಿ ನಡೆದಿದೆ. ನಾಯಮ್ಮಾರಮೂಲೆ ಹನೀಫ್ ಎಂಬವರ ಮನೆಯಲ್ಲಿ ರೆಫ್ರಿಜರೇಟರ್ ಸ್ಪೋಟಗೊಂಡಿದ್ದು, ಘಟನೆ ಸಂದರ್ಭ ಮನೆಯಲ್ಲಿ ಯಾರು ಇಲ್ಲದ ಕಾರಣ ಸಂಭಾವ್ಯ ಅಪಾಯ ತಪ್ಪಿದೆ.

  

  

  ರಂಜಾನ್ ಹಬ್ಬದ ರಜೆಯಲ್ಲಿ ಮನೆಯವೆರೆಲ್ಲರೂ ಸಂಬಂಧಿಕರ ಮನೆಗೆ ತೆರಳಿದ್ದು ಮರಳಿ ಬಂದು ನೋಡಿದಾಗ ಮನೆಯ ರೆಫ್ರಿಜರೇಟರ್ ಸ್ಪೋಟಗೊಂಡು ಬೆಂಕಿ ಹತ್ತಿಕೊಂಡು, ಕರಕಲಾದ ಸ್ಥಿತಿಯಲ್ಲಿ ಕಂಡುಬಂದಿದೆ. ಅಲ್ಲದೆ ಅಡುಗೆ ಮನೆಯಲ್ಲಿ ಇದ್ದ ಇತರ ವಸ್ತುಗಳು ಸ್ಪೋಟದ ತೀವ್ರತೆಗೆ ಕರಕಲಾಗಿದೆ. ಇನ್ನು ಈ ಸ್ಪೋಟಕ್ಕೆ ಶಾರ್ಟ್ ಸರ್ಕ್ಯೂಟ್ ಎನ್ನಲಾಗಿದ್ದು, ಮನೆಯ ವಯರಿಂಗ್ ಉರಿದು ಕರಕಲಾಗಿದೆ.