ಕಾಸರಗೋಡು: ಸ್ಥಳೀಯಾಡಳಿತ ಸಂಸ್ಥೆಗೆ ಚುನಾವಣೆ - ಬಿರುಸಿನ ಮತದಾನ

•   Mon, Dec 14 2020 12:04:04 PM



• ಕಾಸರಗೋಡು, ಡಿ.14 (DaijiworldNews/PY): ಸ್ಥಳೀಯಾಡಳಿತ ಸಂಸ್ಥೆಗೆ ಬಿರುಸಿನ ಮತದಾನ ನಡೆಯುತ್ತಿದೆ. ಬೆಳಿಗ್ಗೆ 7 ಗಂಟೆಗೆ ಆರಂಭ ಗೊಂಡ ಮತದಾನ ಸಂಜೆ 6 ಗಂಟೆ ತನಕ ನಡೆಯಲಿದೆ.

  

  

  

  

  

  

  5 ರಿಂದ 6 ಗಂಟೆ ತನಕ ಕೊರೊನಾ ಸೋಂಕಿತರಿಗೆ ಮತದಾನ ಕ್ಕೆ ಅವಕಾಶ ಮಾಡಿಕೊಡಲಾಗಿದೆ. ಮೊದಲ ಗಂಟೆಯಲ್ಲಿ 7 ಶೇಕಡಾ ಮತದಾನವಾಗಿತ್ತು. ಬೆಳಿಗ್ಗೆ 10.30ರ ತನಕ ಶೇ.25.26 ಮತದಾನವಾಗಿದೆ . ಬೆಳಿಗ್ಗೆಯಿಂದಲೇ ಮತಗಟ್ಟೆಯಲ್ಲಿ ಸರತಿ ಸಾಲು ಕಂಡುಬರುತ್ತಿತ್ತು. ಕೊರೊನಾ ಮಾನದಂಡದಂತೆ ಮತದಾನ ನಡೆಯುತ್ತಿದೆ.

  ಕಂದಾಯ ಸಚಿವ ಇ. ಚಂದ್ರಶೇಖರನ್ ಪರವನಡ್ಕ ಮೋಡಲ್ ರೆಸಿಡೆನ್ಸಿಯಲ್ ಶಾಲಾ ಮತಗಟ್ಟೆಯಲ್ಲಿ ತಮ್ಮ ಹಕ್ಕು ಚಲಾಯಿಸಿದರು. ಶಾಸಕ ಎಂ. ರಾಜ ಗೋಪಾಲ್ ಕಯ್ಯೂರು ಜಿ.ವಿ.ಎಚ್ ಶಾಲಾ ಮತಗಟ್ಟೆಯಲ್ಲಿ ಮತ ಚಲಾಯಿಸಿದರು. ಕಂದಾಯ ಸಚಿವ ಇ. ಚಂದ್ರಶೇಖರನ್ ಪರವನಡ್ಕ ಮೋಡಲ್ ರೆಸಿಡೆನ್ಸಿಯಲ್ ಶಾಲಾ ಮತಗಟ್ಟೆಯಲ್ಲಿ ತಮ್ಮ ಹಕ್ಕು ಚಲಾಯಿಸಿದರು. ಕಾಸರಗೋಡು ಶಾಸಕ ಎನ್.ಎ ನೆಲ್ಲಿಕುನ್ನು ಅವರು ನೆಲ್ಲಿಕುಂಜೆ ಎ ಯು ಪಿ ಶಾಲಾ ಒಂದನೇ ಮತಗಟ್ಟೆಯಲ್ಲಿ ಮತ ಚಲಾಯಿಸಿದರು.

  ಉದುಮ ಶಾಸಕ ಕೆ.ಕುಂಞರಾಮನ್ ಪಳ್ಳಿಕೆರೆ ಜಿ ಎಲ್ ಪಿ ಶಾಲೆಯಲ್ಲಿ ಮತದಾನ ಮಾಡಿದರು. ಸಂಸದ ರಾಜ್ ಮೋಹನ್ ಉಣ್ಣಿತ್ತಾನ್ ಪಡನ್ನಕ್ಕಾಡ್ ಎಸ್‌ಎನ್‌ಎಯುಪಿ ಶಾಲಾ ಮತಗಟ್ಟೆಯಲ್ಲಿ ತಮ್ಮ ಹಕ್ಕು ಚಲಾಯಿಸಿದರು.

  ಜಿಲ್ಲಾ ಪಂಚಾಯತ್‌ನ 17 ಡಿವಿಜನ್, 38 ಗ್ರಾಮ ಪಂಚಾಯತ್‌ಗಳು, 6 ಬ್ಲಾಕ್ ಪಂಚಾಯತ್ ಮತ್ತು ಮೂರು ನಗರಸಭೆಗಳಿಗೆ ಚುನಾವಣೆ ನಡೆಯುತ್ತಿದೆ. 1,409 ಮತಗಟ್ಟೆಗಳಲ್ಲಿ ಮತದಾನ ನಡೆಯುತ್ತಿದೆ. 2,648 ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.