ಮಕ್ಕಳ ಸಾಹಿತಿ ಪಳಕಳ ಇನ್ನಿಲ್ಲ

•   Tue, Sep 26 2017 11:13:10 AM



• 
  ಮೂಡುಬಿದರೆ, ಸೆ26: ಮಕ್ಕಳ ಸಾಹಿತಿ ಎಂದೇ ಗುರುತಿಸಲ್ಪಡುವ ಕೇಂದ್ರ ಸಾಹಿತ್ಯ ಅಕಾಡಮಿ ಪುರಸ್ಕೃತ, ಪಳಕಳ ಸೀತಾರಾಮ ಭಟ್ (86) ಅಲ್ಪಕಾಲದ ಅನಾರೋಗ್ಯದಿಂದ ಪುತ್ತಿಗೆ ಪಳಕಳದ ಸ್ವಗೃಹದಲ್ಲಿ ಸೋಮವಾರ ಸಂಜೆ ನಿಧನರಾಗಿದ್ದಾರೆ.1931 ರಲ್ಲಿ ಜನಿಸಿದ ಪಳಕಳ ಇದುವರೆಗೆ ರಚಿಸಿರುವ ಸಾಹಿತ್ಯ ಕೃತಿಗಳ ಸಂಖ್ಯೆ ಇನ್ನೂರ ಐವತ್ತಕ್ಕೂ ಹೆಚ್ಚು. ಸುಮಾರು 63 ವರ್ಷಗಳಿಂದ ಅವರು ನಿರಂತರ ಮಕ್ಕಳ ಸಾಹಿತ್ಯ ಕ್ಷೇತ್ರದಲ್ಲಿ ದುಡಿಯುತ್ತಾ ಬಂದಿದ್ದಾರೆ. ಅವರು ಪತ್ನಿ, ಮೂಡುಬಿದಿರೆಯ ಖ್ಯಾತ ಲೆಕ್ಕ ಪರಿಶೋಧಕ ಪಿ.ರಘುಪತಿ ಭಟ್ ಸಹಿತ ಐವರು ಪುತ್ರರು ಹಾಗೂ ಓರ್ವ ಪುತ್ರಿಯನ್ನು ಅಗಲಿದ್ದಾರೆ. ಮಂಗಳವಾರ ಅಂತ್ಯಸಂಸ್ಕಾರ ನಡೆಯಲಿದೆ.