ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ ಹಾಸ್ಯ ನಟ ಅರವಿಂದ ಬೋಳಾರ್ ವಿಡಿಯೋ

•   Fri, Jun 08 2018 01:25:54 PM



• ಮಂಗಳೂರು, ಜೂ08: ರಂಗಭೂಮಿ ಮತ್ತು ತುಳು ಚಿತ್ರರಂಗದ ಪ್ರಸಿದ್ಧ ನಟ ಅರವಿಂದ ಬೋಳಾರ್ ಅವರ ಹಾಸ್ಯದ ವಿಡಿಯೋ ತುಣುಕೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.

  

  ಕರಾವಳಿಯ ಜನತೆಯ ಮನಗೆದ್ದು, ತುಳುವ ಮಾಣಿಕ್ಯ ಎಂದೇ ಪರಿಚಿತರಾಗಿರುವ ಅರವಿಂದ ಬೋಳಾರ್ ಮೂಡುಬಿದಿರೆಯ ಕಾರ್ಕಳ ಸಮೀಪ ಸಿನಿಮಾ ಚಿತ್ರೀಕರಣವೊಂದರಲ್ಲಿ ಬ್ಯೂಸಿಯಾಗಿದ್ದರು. ಚಿತ್ರದಲ್ಲಿ ಅರವಿಂದ ಬೋಳಾರ್ ಅವರಿಗೆ ಕುಡುಕನ ಪಾತ್ರ ನಿಭಾಯಿಸುವ ಅವಕಾಶ ಸಿಕ್ಕಿತ್ತು. ಅದರಂತೆ ಅರವಿಂದ ಬೋಳಾರ್ ಕುಡುಕನ ಪಾತ್ರಧಾರಿಯಾಗಿ ನಟಿಸಿದ್ದರು. ಚಿತ್ರೀಕರಣ ನಡೆಯುವ ವೇಳೆ ಜನ ಗುಂಪು ಸೇರುವುದು ವಾಡಿಕೆ. ಅದರಂತೆ ಕಾರ್ಕಳದಲ್ಲಿಯೂ ಚಿತ್ರೀಕರಣ ನಡೆಯುತ್ತಿದ್ದ ವೇಳೆ ಜನ ಸೇರಿದ್ದು, ಅಭಿಮಾನಿಯೊಬ್ಬರು ಕುಡುಕನ ಪಾತ್ರದಲ್ಲಿ ಅರವಿಂದ ಬೋಳಾರ್ ನಟಿಸುವುದನ್ನು ತನ್ನ ಮೊಬೈಲ್ ನಲ್ಲಿ ಸೆರೆ ಹಿಡಿದಿದ್ದಾರೆ. ಮಾತ್ರವಲ್ಲ ಸೆರೆ ಹಿಡಿದ ವಿಡಿಯೋವನ್ನು ವಾಟ್ಸ್ಆ್ಯಪ್ ನಲ್ಲಿ ಹರಿಯಬಿಟ್ಟಿದ್ದಾರೆ.

  ಇದೀಗ ಬೋಳಾರ್ ಕುಡುಕನ ಪಾತ್ರದಲ್ಲಿ ನಟಿಸಿರುವ ಈ ವಿಡಿಯೋ ಸಮಾಜಿಕ ಜಾಲತಾಣಗಳಲ್ಲಿ ಭಾರೀ ಸದ್ದು ಮಾಡುತ್ತಿದೆ. ಹದಿಹರೆಯದ ಯುವಕ ಯುವತಿಯರು ಸೇರಿದಂತೆ ಅನೇಕ ಅಭಿಮಾನಿಗಳ ಫೇಸ್ ಬುಕ್, ವಾಟ್ಸ್ಆ್ಯಪ್ ಗಳಲ್ಲಿ ಈ ವಿಡಿಯೋ ಶೇರ್ ಆಗುತ್ತಿದ್ದು, ಬೋಳಾರ್ ನಟನೆಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದೆ.