ಉಡುಪಿ: 'ಮಾದಕವಸ್ತು ಭೀತಿಯನ್ನು ತೊಡೆದುಹಾಕಲು ರಾಜಕೀಯ ಇಚ್ಛಾಶಕ್ತಿ ಬೇಕು' - ಶಾಸಕ ಡಾ. ಭರತ್‌ ಶೆಟ್ಟಿ

•   Sun, Oct 25 2020 02:39:06 PM



• ಉಡುಪಿ, ಅ.25 (DaijiworldNews/PY): ಯುವಜನತೆ ಮಾದಕ ವ್ಯಸನಕ್ಕೆ ಬಲಿಯಾಗುತ್ತಿದ್ದಾರೆ. ಶೇ.10ಕ್ಕೂ ಅಧಿಕ ಯುವಜನತೆ ಕುತೂಹಲದಿಂದ ಮಾದಕ ವಸ್ತುಗಳನ್ನು ಬಳಸುತ್ತಾರೆ. ಆದರೆ, ಇವರಲ್ಲಿ ಶೇ.10ರಷ್ಟು ಮಂದಿ ಮಾದಕ ವ್ಯಸನಿಗಳು ಎಂದು ಮಂಗಳೂರು ಉತ್ತರ ಶಾಸಕ ಡಾ.ಭರತ್‌ ಶೆಟ್ಟಿ ವೈ ಹೇಳಿದ್ದಾರೆ.

  

  

  

  

  

  

  

  

  

  

  

  

  

  

  

  

  

  

  

  

  

  ಅಕ್ಟೋಬರ್ 24 ರ ಶನಿವಾರದಂದು ಮಣಿಪಾಲದ ಟೈಗರ್ ಸರ್ಕಲ್‌ನಲ್ಲಿ ಉಡುಪಿ ಬಿಜೆಪಿ ಯುವ ಮೋರ್ಚಾ ಆಯೋಜಿಸಿದ್ದ ಮಾದಕವಸ್ತು ಮುಕ್ತ ಕರ್ನಾಟಕ ಅಭಿಯಾನದಲ್ಲಿ ಅವರು ಮಾತನಾಡಿದರು.

  ಮಾದಕ ವಸ್ತುಗಳನ್ನು ಪಡೆಯಲು ಹಣ ಸಂಪಾದಿಸಲು ಯುವಕರು ತಮ್ಮನ್ನು ಅಪರಾಧ ಚಟುವಟಿಕೆಗಳಲ್ಲಿ ತೊಡಗಿಸಿಕೊಳ್ಳುತ್ತಾರೆ. ಆದ್ದರಿಂದ, ಡ್ರಗ್ಸ್‌ ಮುಕ್ತ ಸಮಾಜ ನಿರ್ಮಾಣಕ್ಕೆ ರಾಜಕೀಯ ಇಚ್ಛಾಶಕ್ತಿ ಇರಬೇಕು. ಮಾದಕವಸ್ತು ಭೀತಿಯನ್ನು ಮೂಲ ಮಟ್ಟದಿಂದ ಮುಕ್ತಗೊಳಿಸಲು ಪೋಷಕರು, ಶಿಕ್ಷಕರು ಮತ್ತು ಸಾರ್ವಜನಿಕರು ಒಟ್ಟಾಗಿ ಕೆಲಸ ಮಾಡಬೇಕು ಎಂದು ಹೇಳಿದರು.

  ಪೋಷಕರು ತಮ್ಮ ಹದಿಹರೆಯದ ಮಕ್ಕಳಲ್ಲಿ ಜಾಗೃತಿ ಮೂಡಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಾರೆ. ಮಾದಕ ವಸ್ತು ಪೂರೈಕೆಯ ಸರಪಳಿಯನ್ನು ಬೇರ್ಪಡಿಸಲು ನಾವು ತಾರ್ಕಿಕ ಅಂತ್ಯವನ್ನು ನೀಡಬೇಕು ಎಂದರು.

  ಬಿಜೆಪಿ ಉಡುಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್‌ ನಾಯಕ್‌‌ ಮಾತನಾಡಿ, ದೇಶದಲ್ಲು ಅತೀ ಹೆಚ್ಚು ಡ್ರಗ್ಸ್‌‌‌ ಬಳಕೆಯಾಗುತ್ತಿರುವುದು ಪಂಜಾಬ್‌ನಲ್ಲಿ. ಕರ್ನಾಟಕದಲ್ಲಿ ಮಾದಕವಸ್ತು ಭೀತಿಯನ್ನು ತೊಡೆದುಹಾಕಲು ರಾಜ್ಯದ ಪೊಲೀಸರು ದೃಢ ನಿಶ್ಚಯವನ್ನು ಹೊಂದಿದ್ದಾರೆ. ಈ ರಿತಿಯಾಗಿ ಡ್ರಗ್ಸ್‌ ಪೂರೈಕೆ ಮುಂದುವರೆದರೆ, ಅನೇಕ ಪೋಷಕರು ತಮ್ಮ ಮಕ್ಕಳನ್ನು ಕಳೆದುಕೊಳ್ಳಬೇಕಾಗುತ್ತದೆ. ಈ ರೀತಿ ಆಗಬಾರದು. ಉಡುಪಿಯನ್ನು ಮಾದಕವಸ್ತು ಮುಕ್ತ ಜಿಲ್ಲೆಯನ್ನಾಗಿ ಮಾಡಲು ನಮ್ಮಿಂದ ಜಾಗೃತಿ ಪ್ರಾರಂಭವಾಗಬೇಕು ಎಂದು ತಿಳಿಸಿದರು

  ಮಾದಕವಸ್ತು ಜಾಗೃತಿ ಕುರಿತು ಬೀದಿ ನಾಟಕವನ್ನು ನವ ಭಾರತ ನಿರ್ಮಾಣ ವೇದಿಕೆ ತಂಡದ ಕಲಾವಿದರು ಮತ್ತು ಕುಂದಾಪುರ ಮಿರಾಕಲ್ ನೃತ್ಯ ಸಿಬ್ಬಂದಿ ದೇಶಭಕ್ತಿ ಗೀತೆಯೊಂದರಲ್ಲಿ ನೃತ್ಯ ಪ್ರದರ್ಶಿಸಿದರು.

  ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಮಟ್ಟಾರು ರತ್ನಾಕರ್ ಹೆಗ್ಡೆ, ಜಿಲ್ಲಾ ಬಿಜೆಪಿಯ ಉಪಾಧ್ಯಕ್ಷ ಶ್ರೀಶಾ ನಾಯಕ್, ಯಶಪಾಲ ಸುವರ್ಣ, ಮುಖ್ಯ ಕಾರ್ಯದರ್ಶಿ ಕುತ್ಯಾರು ನವೀನ್ ಶೆಟ್ಟಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶ್ವೇತಾ, ಯುವ ಮೋರ್ಚಾ ರಾಜ್ಯ ಕಾರ್ಯದರ್ಶಿ ರವೀಂದ್ರ ಮಡಿವಾಳ, ಯುವ ಮೋರ್ಚಾ ಕಾರ್ಕಳ ಕಾರ್ಯದರ್ಶಿ ವೀಣಾ ಶೆಟ್ಟಿ, ಜಿಲ್ಲಾ ಪಂಚಾಯತ್ ಸದಸ್ಯೆ ಗೀತಾಂಜಲಿ ಸುವರ್ಣ, ಶೀಲಾ ಕೆ ಶೆಟ್ಟಿ ಉಪಸ್ಥಿತರಿದ್ದರು.