ಮೋದಿಜೀ ನನ್ನ ಚಾಲೆಂಜ್ ಸ್ವೀಕರಿಸಿ - ರಾಹುಲ್ ಗಾಂಧಿ

•   Thu, May 24 2018 04:47:57 PM



• ಮೇ , 24 : ಪ್ರಧಾನಿ ನರೇಂದ್ರ ಮೋದಿ ಅವರು ಟೀಂ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ನೀಡಿದ್ದ ಫಿಟ್ನೆಸ್ ಚಾಲೆಂಜ್ ಸ್ವೀಕರಿಸಿದ ಬೆನ್ನಲ್ಲೇ ಇದೀಗ ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹಾಗೂ ಬಿಹಾರ ಮಾಜಿ ಡಿಸಿಎಂ ತೇಜಸ್ವಿ ಯಾದವ್ ಕೂಡಾ ಸವಾಲ್ ಹಾಕಿದ್ದಾರೆ. ತೈಲ ಬೆಲೆ ಹೆಚ್ಚಳದಿಂದ ದೇಶದ ಜನತೆ ತತ್ತರಿಸುತ್ತಿದ್ದು, ತಕ್ಷಣ ಇಂಧನ ಬೆಲೆ ಇಳಿಸಿ ಎಂದು ಸವಾಲ್ ಎಸೆದಿದ್ದಾರೆ. ನಿಮಗೆ ಸಾಧ್ಯವಾಗದಿದ್ದರೆ ರಾಷ್ಟ್ರವ್ಯಾಪಿ ಚಳುವಳಿ ಮಾಡಿ ದರ ಕಡಿಮೆಯಾಗುವಂತೆ ಮಾಡುತ್ತೇವೆ ಎಂದಿದ್ದಾರೆ.

   

  ಇನ್ನೊಂದೆಡೆ ತೇಜಸ್ವಿ ಯಾದವ್ ಕೂಡಾ ಟ್ವೀಟ್ ಮಾಡಿ ವ್ಯಂಗ್ಯವಾಡಿದ್ದಾರೆ. ಕೊಹ್ಲಿ ಸವಾಲು ದೊಡ್ಡದಲ್ಲ, ಯುವಜನರಿಗೆ ಉದ್ಯೋಗ, ರೈತರ ಸಮಸ್ಯೆಗಳನ್ನು ಬಗೆಹರಿಸಿ, ಅಲ್ಪಸಂಖ್ಯಾತರ ಮೇಲಿನ ದೌರ್ಜನ್ಯ ತಡೆಯಿರಿ ನನ್ನ ಚಾಲೆಂಜ್ ಸ್ವೀಕರಿಸಿ ಎಂದು ಟ್ವೀಟ್ ಮಾಡಿದ್ದಾರೆ.

  ಇಂದು ಬೆಳಗ್ಗೆ ಪ್ರಧಾನಿ ಮೋದಿ ಅವರು ಕೊಹ್ಲಿ ಅವರ ಫಿಟ್​ನೆಸ್​ ಸವಾಲು ಸ್ವೀಕರಿಸಿದ ಬಳಿಕ ಒಂದೊಂದಾಗಿ ಸವಾಲುಗಳು ಬರುತ್ತಿದೆ