ಪಾನಮತ್ತ ಜೀಪ್ ಚಾಲನೆ - ಸರಣಿ ಅಫಘಾತಕ್ಕೆ ಇಬ್ಬರು ಗಂಭೀರ

•   Sun, May 20 2018 11:40:25 AM



• ಮೂಡುಬಿದಿರೆ ಮೇ 20: ಪಾನಮತ್ತ ಜೀಪ್ ಚಾಲಕನೋರ್ವನ ಅವಾಂತರಕ್ಕೆ ಪ್ರತ್ಯೇಕ ಎರಡು ಅಫಘಾತದಲ್ಲಿ ಇಬ್ಬರು ಗಂಭೀರ ಗಾಯಗೊಂಡಿರುವ ಘಟನೆ ಇಲ್ಲಿಗೆ ಸಮೀಪದ ಗಾಂಧಿನಗರ ಎಂಬಲ್ಲಿ ಮೇ 19 ರ ಶನಿವಾರ ರಾತ್ರಿ ನಡೆದಿದೆ.

  

  
  ಆಂಟನಿ, ರಾಜು ಮತ್ತು ಅಶೋಕ್ ಕಾಪಿಕಾಡು ತೀವ್ರ ಗಾಯಗೊಂಡವರು. ಕೇರಳ ಮೂಲದ ಜೀಪ್ ಚಾಲಕ ಸಾಜು ಕೆ. ಪಾನಮತ್ತನಾಗಿ ಮಂಗಳೂರು ಕಡೆಯಿಂದ ಮೂಡುಬಿದಿರೆ ಕಡೆಗೆ ಅಡ್ಡಾದಿಡ್ಡಿ ಜೀಪ್ ಚಲಾಯಿಸಿ ಬಂದಿದ್ದು, ವಿಧ್ಯಾಗಿರಿ ದಾಟಿ ಬರುವಾಗ ಬೈಕೊಂದಕ್ಕೆ ಗುದ್ದಿದ್ದು, ಘಟನೆಯಲ್ಲಿ ಬೈಕ್ ಸವಾರ ತೀವ್ರವಾಗಿ ಗಾಯಗೊಂಡಿದ್ದಾರೆ. ಬಳಿಕ ತಪ್ಪಿಸಿಕೊಳ್ಳುವ ಆತುರದಲ್ಲಿ ಮತ್ತೆ ವಿರುದ್ದ ದಿಕ್ಕಿನಲ್ಲಿ ಜೀಪ್ ಚಲಾಯಿಸಿ ತುಸು ದೂರದಲ್ಲೇ ಮತ್ತೊಂದು ಬೈಕ್‌ಗೆ ಡಿಕ್ಕಿ ಹೊಡೆದಿದ್ದಾನೆ. ಈ ಘಟನೆಯಲ್ಲಿ ಮೂವರು ತೀವ್ರ ಗಾಯಗೊಂಡಿದ್ದಾರೆ. ಮೂಡುಬಿದಿರೆ ಪೊಲೀಸ್ ನಿರೀಕ್ಷಕ ವಿಜಯ ಪ್ರಸಾದ್, ಉಪನಿರೀಕ್ಷಕ ದೇಜಪ್ಪ ಅವರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಜೀಪು ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.