ಮಂಗಳೂರು: ರೈಲು ಡಿಕ್ಕಿ ಹೊಡೆದು ಬಾಲಕ ದಾರುಣ ಸಾವು

•   Sat, Sep 23 2017 05:42:55 PM



• ಮಂಗಳೂರು, ಸೆ23: ನಗರದ ಜೆಪ್ಪು ರೈಲ್ವೆ ಕ್ರಾಸ್ ಬಳಿ ರೈಲು ಡಿಕ್ಕಿ ಹೊಡೆದು ಏಳು ವರುಷ ಪ್ರಾಯದ ಬಾಲಕ ದಾರುಣವಾಗಿ ಮೃತಪಟ್ಟ ಘಟನೆ ನಡೆದಿದೆ.

  

  

  

  

  ಮೃತ ಬಾಲಕನನ್ನು ಹಾಫಿಲ್ ಎಂದು ಗುರುತಿಸಲಾಗಿದೆ. ಜೆಪ್ಪು ಮಹಾಕಾಳಿಪಡ್ಪು ನಿವಾಸಿಯಾಗಿರುವ ಮೃತ ಬಾಲಕ ಅನ್ವರ್ ಮತ್ತು ಶಮೀನಾ ದಂಪತಿಯ ಪುತ್ರ. ರೈಲು ಹಳಿ ಸಮೀಪವೇ ಬಾಲಕನ ಮನೆ ಇದ್ದು, ರೈಲ್ವೆ ಹಳಿ ದಾಟುವ ಸಂದರ್ಭಈ ಹೃದಯ ವಿದ್ರಾವಕ ಘಟನೆ ಸಂಭವಿಸಿದೆ.

  ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆಗೆ ಬಾಲಕನ ಮೃತ ದೇಹವನ್ನು ಕಳುಹಿಸಲಾಗಿದ್ದು ಮರಣೋತ್ತರ ಪರೀಕ್ಷೆ ನಡೆಯುತ್ತಿದೆ. ಈ ಕುರಿತು ರೈಲ್ವೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.