ಮಂಗಳೂರು: ನಕಲಿ ಓಟರ್ ಐಡಿ ಕಾರ್ಡ್ : 11 ಮಂದಿ ವಿದ್ಯಾರ್ಥಿಗಳ ವಿರುದ್ಧ ಪ್ರಕರಣ

•   Sun, May 13 2018 12:06:53 PM



• ಮಂಗಳೂರು,ಮೇ13: ಕರ್ನಾಟಕದ ಗಡಿ ಪ್ರದೇಶ ರಾಜ್ಯವಾಗಿರುವ ಕೇರಳದಿಂದ ಆಗಮಿಸಿ ಮಂಗಳೂರಿನ ವಿವಿಧ ಶಿಕ್ಷಣ ಸಂಸ್ಥೆಗಳಲ್ಲಿ ವಿದ್ಯಾಭ್ಯಾಸ ಮಾಡುತ್ತಿರುವ ವಿದ್ಯಾರ್ಥಿಗಳು ನಕಲಿ ಮತದಾನ ಮಾಡಿದ ಆರೋಪ ವ್ಯಕ್ತವಾಗಿದ್ದು, ಇದೀಗ ಇವರ ವಿರುದ್ಧ ಕದ್ರಿ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ನಿಭಿಯಾ ಥೋಮಸ್, ಮೆರಿನ್ ಮೇರಿ, ಹೋಸ್ ಕೆ ವಿ, ಸ್ಟೀಫಿ ಜಾನ್, ಸಿಜಿ ಬಿಜು, ರೆಮ್ಯ ಜೋಸ್, ರೆಮಿಲ್ ರೇಜಿ, ಪೂರ್ಣೇಂದು ವಿ ಎಸ್, ರಮ್ಯಾ ಟಾಮ್, ಅಂಜಲಿ ಟಾಮ್ ಮತ್ತು ಲಿಜಿ ಜೋರ್ಜ್ ಎಂಬವರನ್ನು ಆರೋಪಿಗಳೆಂದು ಹೆಸರಿಸಲಾಗಿದ್ದು, ಇದೀಗ ಇವರ ವಿರುದ್ಧ ಕದ್ರಿ ಠಾಣಾ ಪೊಲೀಸರು ಎಫ್‍ಐಆರ್ ದಾಖಲಿಸಿದ್ದಾರೆ.

  

  ಒಟ್ಟು 11 ಮಂದಿ ವಿದ್ಯಾರ್ಥಿಗಳು ಮಂಗಳೂರು ನಗರ ದಕ್ಷಿಣ ಕ್ಷೇತ್ರದಲ್ಲೂ ಮತದಾರರ ಪಟ್ಟಿಯಲ್ಲಿ ನೋಂದಣಿ ಮಾಡಿಸಿಕೊಂಡು, ಕೇರಳದಲ್ಲೂ ಮತದಾರರ ಪಟ್ಟಿಯಲ್ಲಿ ಹೆಸರು ಹೊಂದಿದ್ದಾರೆ ಎಂದು ತಿಳಿದು ಬಂದಿದೆ. ಮಂಗಳೂರು ಕ್ಷೇತ್ರದಲ್ಲಿ ಅಕ್ರಮವಾಗಿ ನೋಂದಣಿ ಮಾಡಿಸಿಕೊಂಡಿದ್ದಾರೆ ಎಂದು ದೂರು ನೀಡಲಾಗಿದೆ. ಭಾರತೀಯ ದಂಡ ಸಂಹಿತೆ ಮತ್ತು ಪ್ರಜಾಪ್ರತಿನಿಧಿ ಕಾಯ್ದೆಯ ವಿವಿಧ ಸೆಕ್ಷನ್‍ಗಳ ಅಡಿಯಲ್ಲಿ ಈ 11 ಮಂದಿ ವಿದ್ಯಾರ್ಥಿಗಳ ವಿರುದ್ಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.