ಮಂಗಳೂರು: ಊರುಗೋಲು ಹಿಡಿದು ಉತ್ಸಾಹದಿಂದ ಮತ ಚಲಾಯಿಸಿದ 103 ವರ್ಷದ ವೃದ್ಧೆ

•   Sat, May 12 2018 01:32:08 PM



• ಮಂಗಳೂರು, ಮೇ 12: ನಗರದ ಪಾಂಡೇಶ್ವರದಲ್ಲಿ 103 ವಯಸ್ಸಿನ ವೃದ್ಧೆಯೊಬ್ಬರು ಅತ್ಯುತ್ಸಾಹದಿಂದ ಮತ ಚಲಾಯಿಸಿ ಯುವಜನತೆಗೆ ಮಾದರಿಯಾಗಿದ್ದಾರೆ.

  

  

  

  

  ಪಾಂಡೇಶ್ವರ ಸಮೀಪದ ಕೆ. ಕಮಲಬಾಯಿ ಮತ ಚಲಾವಣೆ ಮಾಡಿದ ವೃದ್ಧೆ. ಅನಾರೋಗ್ಯವಿದ್ದರೂ ಕುಟುಂಬದವರ ಸಹಾಯದೊಂದಿಗೆ ಮತ ಕೇಂದ್ರಕ್ಕೆ ಬಂದು ಪಾಂಡೇಶ್ವರ ಮತಗಟ್ಟೆಯಲ್ಲಿ ತಮ್ಮ ಹಕ್ಕು ಚಲಾಯಿಸಿದ್ದಾರೆ. ಊರುಗೋಲು ಹಿಡಿದುಕೊಂಡು ಬಂದ ಈ ವೃದ್ಧೆ ಮತಗಟ್ಟೆಯಲ್ಲಿ ಸಂವಿಧಾನಿಕ ಹಕ್ಕು ಚಲಾಯಿಸುವ ಮೂಲಕ ಮಾದರಿಯಾದರು. ಮಾತ್ರವಲ್ಲ, ಹಕ್ಕು ಚಲಾಯಿಸುವ ಮೂಲಕ ಮತದಾನದ ಮಹತ್ವ ಸಾರಿದರು.

  ಕರಾವಳಿಯ ವಿವಿಧ ಭಾಗಗಳಲ್ಲಿ ಬೆಳಗ್ಗೆಯಿಂದಲೇ ಬಿರುಸಿನ ಮತದಾನ ಆರಂಭಗೊಂಡಿದ್ದು, ಮತದಾರ ಪ್ರಭುಗಳು ಆಯಾ ಮತಗಟ್ಟೆಗಳಿಗೆ ತೆರಳಿ ತಮ್ಮ ಮತ ಚಲಾಯಿಸುತ್ತಿದ್ದಾರೆ.