ಬೆಳ್ತಂಗಡಿ: ಮತದಾನಕ್ಕೆ ತೆರಳಿದ ವ್ಯಕ್ತಿಯೊಬ್ಬರಿಗೆ ಹೃದಯಘಾತ – ಸ್ಥಳದಲ್ಲೇ ಸಾವು

•   Sat, May 12 2018 11:39:53 AM



• ಬೆಳ್ತಂಗಡಿ, ಮೇ 12: ಮತದಾನಕ್ಕೆ ತೆರಳಿದ ವ್ಯಕ್ತಿಯೊಬ್ಬರಿಗೆ ಹೃದಯಘಾತವಾಗಿ ಸ್ಥಳದಲ್ಲೇ ಕುಸಿದು ಬಿದ್ದು ಸಾವನ್ನಪ್ಪಿರುವ ಘಟನೆ ನಡೆದಿದೆ.

  

  ಮೃತರನ್ನು ಬೆಳ್ತಂಗಡಿಯ ಅಂಡಿಜೆ ಗ್ರಾಮದ ಜಾರಿಗೆದಡಿ ನಿವಾಸಿ ಅಣ್ಣಿ ಆಚಾರ್ಯ (70) ಎಂದು ಗುರುತಿಸಲಾಗಿದೆ.

  ಮತದಾನ ನಡೆಯುವ ಶಾಲೆಯ ಮುಂಭಾಗದಲ್ಲಿ ಅಣ್ಣಿ ಆಚಾರ್ಯ ಅವರಿಗೆ ಹೃದಯಘಾತ ಸಂಭವಿಸಿದೆ. ಈ ಘಟನೆಯಿಂದ ಮತದಾನ ನಡೆಸಲು ಬಂದಿದ್ದ ಜನ ಆತಂಕಕ್ಕೆ ಒಳಗಾಗಿದ್ದು, ಕೆಲ ಕಾಲ ಮತದಾನ ಸ್ಥಗಿತಗೊಂಡಿತ್ತು. ಇದೀಗ ಮತ್ತೆ ಮತದಾನ ಪ್ರಕ್ರಿಯೆ ನಡೆಯುತ್ತಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

  ವೇಣೂರು ಠಾಣಾ ವ್ಯಾಪ್ತಿಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.