ಮಂಗಳೂರಿನಲ್ಲಿ ಮತ್ತೆ ಪ್ರಧಾನಿ- ಬಿಜೆಪಿ ನಾಯಕರನ್ನು ಮತ್ತೊಮ್ಮೆ ಹುರಿದುಂಬಿಸಿದ ಮೋದಿ

•   Thu, May 10 2018 11:55:54 AM



• ಮಂಗಳೂರು, ಮೇ 09 : ಬೆಳಗಾವಿಯಲ್ಲಿ ಬುಧವಾರ ಸಂಜೆ ಆಯೋಜಿಸಲಾಗಿದ್ದ, ಬಿಜೆಪಿ ಸಮಾವೇಶದಲ್ಲಿ ಪಾಲ್ಗೊಳ್ಳುವ ಹಿನ್ನಲೆಯಲ್ಲಿ ಪ್ರಧಾನಿ ನರೇಂದ್ರ  ಮೋದಿ ಮೇ 09 ರ ಸಂಜೆ ಸುಮಾರು 4 ಗಂಟೆಗೆ ಮಂಗಳೂರು ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು. ಚಿಕ್ಕಮಗಳೂರಿನಿಂದ ಹೆಲಿಕ್ಯಾಪ್ಟರ್ ಮೂಲಕ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ ಪ್ರಧಾನಿ ಅವರನ್ನು ದ. ಕ ಜಿಲ್ಲಾ ಬಿಜೆಪಿ ಪ್ರಮುಖರಾದ ಕ್ಯಾ ಗಣೇಶ್ ಕಾರ್ಣೀಕ್ , ಮೋನಪ್ಪ ಭಂಡಾರಿ, ಬೃಜೇಶ್ ಚೌಟ , ಚಂದ್ರಶೇಖರ್ ಉಚ್ಚಿಲ, ಮುಂತಾದವರು ಹಾಜರಿದ್ದು ಸ್ವಾಗತಿಸಿದ್ದರು. 

  

  ಈ ಸಂದರ್ಭ ಬಿಜೆಪಿ ನಾಯಕರ ಜತೆ ಮಾತನಾಡಿದ ಪ್ರಧಾನಿ ಜಿಲ್ಲೆಯ ರಾಜಕೀಯ ಪರಿಸ್ಥಿತಿಗಳ ವಿವರವನ್ನು ಪಡೆದುಕೊಂಡರು. ಚುನಾವಣೆಯ ಹಿನ್ನಲೆಯಲ್ಲಿ ಕರಾವಳಿ ಭಾಗದಲ್ಲಿ ಪ್ರಸ್ತುತ ವಾತಾವಣ ಹೇಗಿದೆ ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿದ ಬಿಜೆಪಿ ಪ್ರಮುಖರು, ಪಕ್ಷದ ಪರ ಜನರಿಂದ ಉತ್ತಮ ಸ್ಪಂದನೆ ಲಭ್ಯವಾಗುತ್ತಿದೆ.ಅಮಿತ್ ಶಾ ಹಾಗೂ ನಿಮ್ಮ ಆಗಮನದ ಬಳಿಕ ಕಾರ್ಯಕರ್ತರ ಉತ್ಸಾಹ ಇಮ್ಮಡಿಯಾಗಿದೆ ಎಂದಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿದಾಗ ಮೋದಿ ಹಮ್ ಜೀತೇಂಗೆ.. ನಾವೇ ಗೆಲುವು ಸಾದಿಸುತ್ತೇವೆ ಎಂದಿದ್ದಾರೆ.