ಮಂಗಳೂರು: ಜಪಾನ್‌ ಸ್ಕಾಲರ್‌ಶಿಪ್ ಗೆ ಆಯ್ಕೆಯಾದ ಕರಾವಳಿ ಕುವರಿ ಡಿಂಪಲ್ ಶೇಟ್

•   Fri, Sep 18 2020 10:30:59 PM



• ಮಂಗಳೂರು, ಸೆ. 18 (DaijiworldNews/SM): ಮಂಗಳೂರಿನ ಮೆಡಿಕಲ್ ಫಿಸಿಯಾಲಜಿ ಸ್ನಾತಕೋತ್ತರ ವಿದ್ಯಾರ್ಥಿನಿಯೊಬ್ಬಳಿಗೆ ಜಪಾನ್ ಸ್ಕಾಲರ್‌ಶಿಫ್ ಲಭಿಸಿದೆ. ಡಿಂಪಲ್ ಶೇಟ್ ಜಪಾನ್ ಸ್ಕಾಲರ್‌ಶಿಫ್ ಪಡೆದ ವಿದ್ಯಾರ್ಥಿನಿಯಾಗಿದ್ದಾರೆ.

  

  ಮಂಗಳೂರಿನ ಕೆಎಂಸಿಯ ಮೆಡಿಕಲ್ ವಿದ್ಯಾರ್ಥಿನಿ ಡಿಂಪಲ್ ಶೇಟ್ ಎಂ.ಇ.ಆರ್.ಟಿ. ಎಂಬ ಜಪಾನ್ ಸ್ಕಾಲರ್ ಶಿಪ್ ಪಡೆದುಕೊಂಡಿದ್ದಾರೆ. ಡಿಂಪಲ್ ಕೆಎಂಸಿಯಲ್ಲಿ ಖಿನ್ನತೆ ಮತ್ತು ಆತಂಕದ ಬಗ್ಗೆ ಸಂಶೋಧನೆ ನಡೆಸಿದ್ದಾರೆ. ಇದೀಗ ಪಿಎಚ್‌ಡಿಗಾಗಿ ಜಪಾನ್‌ನ ಎಂ.ಇ.ಆರ್.ಟಿ. ಸ್ಕಾಲರ್‌ಶಿಪ್ ಲಭ್ಯವಾಗಿದೆ.

  ಇಡೀ ವಿಶ್ವದಲ್ಲಿ ಕೆಲವೇ ಕೆಲವು ಆಯ್ದ ವಿದ್ಯಾರ್ಥಿಗಳಷ್ಟೇ ಈ ಸ್ಕಾಲರ್‌ಶಿಪ್ ಪಡೆಯುತ್ತಾರೆ. ಇದೀಗ ಮಂಗಳೂರಿನ ಹುಡುಗಿ ವಿಶೇಷ ಗೌರವಕ್ಕೆ ಆಯ್ಕೆಯಾಗಿದ್ದು, ಕರಾವಳಿಗರಿಗೆ ಹೆಮ್ಮೆಯ ಸಂಗತಿಯಾಗಿದೆ. ವಿಶೇಷ ಸ್ಕಾಲರ್‌ಶಿಪ್ ಗೆ ಆಯ್ಕೆಯಾಗಿರುವ ಹಿನ್ನೆಲೆಯಲ್ಲಿ ಸಂಶೋಧನಾ ಪ್ರಕ್ರಿಯೆಗಾಗಿ ಡಿಂಪಲ್ ಶೇಟ್ ಜಪಾನ್‌ಗೆ ತೆರಳಲಿದ್ದಾರೆ.

  

  ಇವರು ಈ ಹಿಂದೆ ನಿಟ್ಟೆ ವಿಶ್ವವಿದ್ಯಾಲಯ ಸೆಂಟರ್ ಫಾರ್ ಸೈನ್ಸ್ ಎಜ್ಯುಕೇಶನ್ ಆಂಡ್ ರಿಸರ್ಚ್‌ನಲ್ಲಿ ಅಧ್ಯಯನ ಮಾಡಿದ್ದರು. ಆರೋಗ್ಯ ವಿಜ್ಞಾನ ಕ್ಷೇತ್ರದ ಸಂಶೋಧನೆ ಬಹಳಷ್ಟು ಪ್ರಯೋಜನಕಾರಿಯಾಗಿದೆ. ವಿಕಲಚೇತನ ಜನರಿಗೆ ಮೂಲಭೂತ ಸೌಲಭ್ಯ ದೊರಕಬೇಕು ಎನ್ನುವುದು ಇವರ ಒತ್ತಾಸೆಯಾಗಿದ್ದು, ಯುವ ಸಮುದಾಯ ಸಂಶೋಧನೆಯಲ್ಲಿ ತೊಡಗಿಸಬೇಕು ಎನ್ನುವ ಆಶಯವನ್ನು ಇವರು ಹೊಂದಿದ್ದಾರೆ.