ಉಡುಪಿ: ನಾಲ್ಕು ದಿನಗಳಲ್ಲಿ 845 ಮಂದಿಯಲ್ಲಿ ಸೋಂಕು ದೃಢ-865 ಮಂದಿ ಗುಣಮುಖ

•   Fri, Sep 18 2020 08:44:38 PM



• ಉಡುಪಿ, ಸೆ. 18 (DaijiworldNews/SM): ಬೇಡಿಕೆ ಈದೇರಿಕೆಗೆ ವೈದ್ಯರು ಆಗ್ರಹಿಸಿ ಕೊರೋನಾ ವರದಿ ನೀಡುವುದಿಲ್ಲ ಎಂದು ನಿರ್ಧಾರ ಕೈಗೊಂಡ ನಾಲ್ಕು ದಿನಗಳ ಬಳಿಕ ಉಡುಪಿಯಲ್ಲಿ ಇಂದು ಕೊರೋನಾ ವರದಿ ಪ್ರಕಟಗೊಂಡಿದೆ. ಆರೋಗ್ಯ ಇಲಾಖೆ, ಜಿಲ್ಲಾಡಳಿತ ಕೊರೋನಾ ವರದಿ ಪ್ರಕಟಿಸಿದ್ದು, ನಾಲ್ಕು ದಿನಗಳಲ್ಲಿ 845 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದೆ.

  

  ಸೋಂಕಿತರ ಪೈಕಿ 430 ಮಂದಿಯಲ್ಲಿ ಸಂಪರ್ಕದಿಂದ ಸೋಂಕು ದೃಢಪಟ್ಟಿದೆ. 215 ಐಎಲ್ ಐ ಕೇಸ್ ಗಳಾಗಿವೆ. 23 ಸಾರಿ ಪ್ರಕರಣಗಳಾಗಿವೆ. 165 ಮಂದಿಯ ಸೋಂಕಿನ ಮೂಲ ಪತ್ತೆಹಚ್ಚುವ ಕಾರ್ಯ ಮುಂದುವರೆಸಲಾಗಿದೆ. ಹೊರರಾಜ್ಯಗಳಿಂದ ಮರಳಿದ 9 ಮಂದಿ ಹಾಗೂ ವಿದೇಶದಿಂದ ಮರಳಿದ ಮೂವರಲ್ಲಿ ಸೋಂಕು ದೃಢಪಟ್ಟಿದೆ.

  ಇನ್ನು ಸೋಂಕಿತರ ಪೈಕಿ ಉಡುಪಿ ತಾಲೂಕಿನಲ್ಲಿ 578 ಮಂದಿಯಲ್ಲಿ, ಕುಂದಾಪುರ ತಾಲೂಕಿನ 127 ಮಂದಿಯಲ್ಲಿ, ಕಾರ್ಕಳ ತಾಲೂಕಿನ 114 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು 26 ಮಂದಿ ಹೊರ ಜಿಲ್ಲೆಯವರಾಗಿದ್ದಾರೆ. 379 ಮಂದಿಯಲ್ಲಿ ಲಕ್ಷಣ ಸಹಿತ ಸೋಂಕು ದೃಢಪಟ್ಟಿದೆ.

  ಉಡುಪಿ ಜಿಲ್ಲೆಯ ಕಳೆದ ನಾಲ್ಕು ದಿನದ ಕೊರೋನಾ ವರದಿ:

  ಜಿಲ್ಲೆಯಲ್ಲಿ ನಾಲ್ಕು ದಿನಗಳಲ್ಲಿ ಪತ್ತೆಯಾದ ಸೋಂಕಿತರು-845 ಮಂದಿ
  ಜಿಲ್ಲೆಯಲ್ಲಿ ಪತ್ತೆಯಾಗಿರುವ ಒಟ್ಟು ಸೋಂಕಿತರು-14883 ಮಂದಿ
  ಜಿಲ್ಲೆಯಲ್ಲಿ ನಾಲ್ಕು ದಿನಗಳಲ್ಲಿ 5633 ಮಂದಿಯ ವರದಿ ನೆಗೆಟಿವ್
  ಜಿಲ್ಲೆಯಲ್ಲಿ ಪತ್ತೆಯಾಗಿರುವ ಒಟ್ಟು ನೆಗೆಟಿವ್ ಕೇಸ್ ಗಳು-77382
  ಜಿಲ್ಲೆಯಲ್ಲಿ ನಾಲ್ಕು ದಿನಗಳಲ್ಲಿ 865 ಮಂದಿ ಗುಣಮುಖ
  ಒಟ್ಟು ಗುಣಮುಖರಾಗಿ ಬಿಡುಗಡೆಯಾದವರು-13041 ಮಂದಿ
  ಸದ್ಯ ಜಿಲ್ಲೆಯಲ್ಲಿ ಚಿಕಿತ್ಸೆಯಲ್ಲಿರುವವರು 1703 ಮಂದಿ
  ನಾಲ್ಕು ದಿನಗಳಲ್ಲಿ ಸೋಂಕಿಗೆ ಬಲಿಯಾದವರು 9 ಮಂದಿ
  ಜಿಲ್ಲೆಯಲ್ಲಿ ಒಟ್ಟು ಕೊರೋನಾ ಸಾವಿನ ಸಂಖ್ಯೆ 139ಕ್ಕೆ ಏರಿಕೆ