ರಾಜ್ಯ ವಿಧಾನಸಭೆ ಚುನಾವಣೆ : ಇಂದು ಬಹಿರಂಗ ಪ್ರಚಾರಕ್ಕೆ ತೆರೆ

•   Thu, May 10 2018 10:38:58 AM



• ಮೇ. 10: ರಾಜ್ಯ ವಿಧಾನಸಭೆ ಚುನಾವಣೆಗಾಗಿ ಕಳೆದೆರಡು ತಿಂಗಳಿಂದ ಮುಗಿಲು ಮುಟ್ಟಿದ್ದ ಪ್ರಚಾರದ ಭರಾಟೆ ಇಂದಿಗೆ ಕೊನೆಯಾಗಲಿದೆ. ಮತದಾನಕ್ಕೆ 48 ಗಂಟೆ ಮೊದಲು ಅಂದರೆ ಇಂದು ಬಹಿರಂಗ ಪ್ರಚಾರಕ್ಕೆ ತೆರೆ ಬೀಳಲಿದೆ. ಇದೇ ಮೇ 12 ರಂದು ಶನಿವಾರ ವಿಧಾನಸಭೆ ಚುನಾವಣೆಗೆ ಮತದಾನ ನಡೆಯಲಿದ್ದು ಇಂದು ಸಂಜೆ ಅಧಿಕೃತವಾಗಿ ಬಹಿರಂಗ ಬಿರುಸಿನ ಪ್ರಚಾರಕ್ಕೆ ತೆರೆ ಬೀಳಲಿದೆ.

  

   

  ಇಂದು ಸಂಜೆಯಿಂದ ಕ್ಷೇತ್ರಕ್ಕೆ ಸಂಬಂಧಪಡದ ರಾಜಕೀಯ ಮುಖಂಡರುಗಳು ಕ್ಷೇತ್ರದಿಂದ ಹೊರ ಹೋಗಬೇಕಿದೆ. ಬಹಿರಂಗ ಪ್ರಚಾರಕ್ಕೆ ಇಂದು ಅಂತಿಮ ದಿನವಾಗಿರುವುದರಿಂದ ಅಭ್ಯರ್ಥಿಗಳು ಮತ್ತು ಅವರ ಬೆಂಬಲಿಗರು ಬಿರುಸಿನ ಪ್ರಚಾರ ಕೈಗೊಂಡಿದ್ದಾರೆ. ವಿಧಾನಸಭೆ ಚುನಾವಣೆ ಘೋಷಣೆ, ಅಭ್ಯರ್ಥಿಗಳ ಆಯ್ಕೆ, ಬಂಡಾಯ, ಪ್ರಚಾರ, ಪ್ರವಾಸ, ಸಮಾವೇಶ, ರೋಡ್ ಶೋ, ಮತಯಾಚನೆ, ಮತದಾರರ ಓಲೈಕೆಗಳಲ್ಲಿದ್ದ ರಾಜ್ಯ ರಾಜಕಾರಣ ಇದೀಗ ಮತದಾರರ ತೀರ್ಪನ್ನು ಎದುರು ನೋಡುವ ದಿನ ಹತ್ತಿರ ಬಂದಿದೆ.