ಮಂಗಳೂರು ವಿಶ್ವವಿದ್ಯಾಲಯದಿಂದ ಪಿಎಚ್‌ಡಿ ಪದವಿ ಪಡೆದ ಉಪನ್ಯಾಸಕಿ ಸಫಿಯಾ

•   Thu, Sep 17 2020 12:01:40 PM



• ಮಂಗಳೂರು, ಸೆ. 17 (DaijiworldNews/MB) : ಮಂಗಳೂರು ವಿಶ್ವವಿದ್ಯಾಲಯದ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ವಿಭಾಗದ ಉಪನ್ಯಾಸಕಿ ಸಫಿಯಾ ಅವರು ಮಂಗಳೂರು ವಿಶ್ವವಿದ್ಯಾಲಯದಿಂದ ಪಿಎಚ್‌ಡಿ ಪದವಿ ಪಡೆದರು.

  

  ಇಂಪ್ಯಾಕ್ಟ್‌ ಆಫ್‌ ಸೋಷಿಯಲ್‌ ನೆಟ್‌ವರ್ಕಿಂಗ್‌ ಸೈಟ್ಸ್‌ ಅಮಾಂಗ್‌ ಮೀಡಿಯಾ ಪ್ರೊಫೇಶನಲ್ಸ್‌ ಇನ್‌ ಕರ್ನಾಟಕ ('ಕರ್ನಾಟಕದ ಮಾಧ್ಯಮ ವೃತ್ತಿಪರರಲ್ಲಿ ಸಾಮಾಜಿಕ ಜಾಲತಾಣಗಳ ಪ್ರಭಾವ') ಎಂಬ ವಿಷಯದಲ್ಲಿ ಸಫಿಯಾ ಅವರು ಮಾಡಿದ ಸಂಶೋಧನಾ ಕಾರ್ಯಕ್ಕಾಗಿ ಪಿಎಚ್‌ಡಿ ಪದವಿ ನೀಡಲಾಗಿದೆ.

  ಪತ್ರಿಕೋದ್ಯಮ ವಿಭಾಗದ ನಿವೃತ್ತ ಉಪನ್ಯಾಸಕಿ ಪ್ರೊ. ವಹೀದಾ ಸುಲ್ತಾನಾ ಅವರ ಮಾರ್ಗದರ್ಶನದಲ್ಲಿ ಸಫಿಯಾ ಅವರು ಮಹಾ ಪ್ರಬಂಧವನ್ನು ರಚಿಸಿದ್ದಾರೆ.

  ಸಫಿಯಾ ಅವರು ದಿವಂಗತ ಎಂ.ಅಬ್ದುಲ್ ಹಮೀದ್ ವೇಣೂರು ಮತ್ತು ರಾಬಿಯಮ್ಮರ ಪುತ್ರಿಯಾಗಿದ್ದು ನಗರದ ಆನ್‌ಲೈನ್ ಮಾಧ್ಯಮವೊಂದರ ಸಂಪಾದಕ ನಈಮ್ ಸಿದ್ದೀಖಿಯವರ ಪತ್ನಿಯಾಗಿದ್ದಾರೆ. ಸಫಿಯಾ ಅವರು ಮೂಡಬಿದ್ರೆಯ ಆಳ್ವಾಸ್ ಕಾಲೇಜಿನಲ್ಲಿ ವಿದ್ಯಾಭ್ಯಾಸ ಪಡೆದಿದ್ದಾರೆ.