ಬಂಟ್ವಾಳ : ಮೇ. 08 ರಂದು ಶಂಭೂರು ಅಣೆಕಟ್ಟಿನಿಂದ ತುಂಬೆ ಡ್ಯಾಂಗೆ ನೀರು ಪೂರೈಕೆ

•   Mon, May 07 2018 06:22:48 PM



• ಬಂಟ್ವಾಳ, ಮೇ 07 : ಮಂಗಳೂರು ಮಹಾನಗರ ಪಾಲಿಕೆ ವ್ಯಾಪ್ತಿಯ ಸಾರ್ವಜನಿಕರಿಗೆ ತುಂಬೆ ವೆಂಟೆಡ್ ಡ್ಯಾಂ ನಿಂದ ಕುಡಿಯುವ ನೀರು ಪೂರೈಕೆ ಮಾಡುವ ಉದ್ದೇಶದಿಂದ ಶಂಭೂರು ಎ.ಎಂ.ಆರ್ ಅಣೆಕಟ್ಟಿನಿಂದ ನೀರ್‍ನು ಕೆಳಭಾಗದಲ್ಲಿರುವ ತುಂಬೆ ಡ್ಯಾಂ ಗೆ ಮೇ. 08 ರಂದು ಹರಿಯಬಿಡಲಾಗುತ್ತದೆ. ನೀರು ಬಿಡುವಂತೆ ಜಿಲ್ಲಾಧಿಕಾರಿಗಳ ಆದೇಶವಾಗಿದ್ದು ಈ ಹಿನ್ನೆಲೆಯಲ್ಲಿ ಮೇ.8 ರಂದು ಅಣೆಕಟ್ಟಿನ ಕೆಳಭಾಗದ ಇಕ್ಕೆಲಗಳಲ್ಲಿ ನದಿಯ ದಡದಲ್ಲಿ ವಾಸಿಸುವ ಜನರು ಮತ್ತು ಅವರ ಸಾಕುಪ್ರಾಣಿಗಳ ಸಂರಕ್ಷಣೆಯ ವಿಷಯವಾಗಿ ಮುಂಜಾಗ್ರತೆ ವಹಿಸಬೇಕೆಂದು ಎಎಂಆರ್ ಕಂಪೆನಿಯ ಪ್ರಕಟಣೆ ತಿಳಿಸಿದೆ.